Búgin QR Úkimetinde ótken baspasóz konferentsiiasynda ortalyq memlekettik organdardyń ókilderi a.j. 1 qarashadan bastap mekenjai anyqtamasyn alyp tastaýǵa ázirlik týraly aityp berdi.
Qazaqstandyqtar ózderiniń tirkelgen jerin egov.kz elektrondy úkimet portalyndaǵy jeke kabinetinde nemese eGov mobile qosymshasy arqyly teksere alady. Memlekettik organdarǵa qazir ózderiniń aqparattyq júieleri arqyly osy aqparat qoljetimdi, ol IIM derekter bazasymen kiriktirilgen.
Eńbek qatynastaryn retteý
Eńbek jáne halyqty áleýmettik qorǵaý ministrliginiń Eńbek jáne áleýmettik seriktestik departamentiniń direktory Baǵlan Jolposhov aityp ótkendei, eńbek zańnamasynda mekenjai anyqtamasyn usyný boiynsha talap joq. Jumys berýshi mundai qujattardy talap etýge quqyly emes.
“Eńbek kelisimshartynda turǵylyqty jeriniń mekenjaiy kórsetiledi. Bul jetklikti. Qyzmetker ony óz betinshe toltyrady. Turǵylyqty jeri boiynsha alalaýǵa da jol berilmeidi. Eger jumysker alalaýǵa ushyrasa, onda jumys berýshi eńbek zańnamasynda kórsetilmegen qujattardy talap etse, qyzmetker jumys berýshiniń is-áreketterine shaǵymdana alady. Ol óziniń quqyǵyn qorǵaý úshin sot organdaryna júgine alady, óitkeni ol áli jumysker emes, ári eńbek qatynastaryna tirkelmedi», — dedi B. Jolposhov.
Eger azamat sol jerdiń jumysshysy bolsa, onda ol jumys berýshiniń is-áreketterine eńbek inspektsiiasy boiynsha jergilikti organǵa shaǵymdana alady. Eńbek inspektsiialary barlyq óńirlerde ákimdikter janynda jumys isteidi. Tekserý negizinde jumyskerdiń quqyqtary qorǵalatyn bolady.
Shetel azamattarynyń mekenjai anyqtamasyn usynýy boiynsha talaptar
QR SIM Konsýldyq qyzmet departamentiniń direktory Taýboldy Úmbetbaevtyń aitýynsha, mekenjai anyqtamasyn alyp tastaý týraly aqparat QR Syrtqy ister ministrligine ýaqytyly berilgen. Bir ai ýaqyt buryn barlyq ministrliktermen birlesip Qazaqstannyń shetelderdegi ókildikterine barlyq qajetti aqparat joldanǵan.
“1 qarashadan bastap bizde mekenjai anyqtamasyn talap etý joiylady. Halyqaralyq tájiribege sáikes, Vena konventsiiasynyń 41- taraýy boiynsha sol memleketter basqa elderde qabyldanǵan zańdardy syilaýy kerek», — dedi T. Úmbetbaev.
Turǵyn úi baǵdarlamalaryna qatysý
QR Indýstriia jáne infraqurylymdyq damý ministrliginiń Qurylys jáne TKSh komitetiniń basqarma basshysy Jalǵas Borsabaev óz kezeginde búgingi tańda 2025 jylǵa deiingi “Nurly jer” jańa memlekettik baǵdarlamasy kelisilý ústinde ekenin aitty, onyń aiasynda turǵyndardyń áleýmettik áljýaz toptary úshin satyp alý quqyǵynsyz jalǵa beriletin turǵyn úi berý qarastyrylǵan, iaǵni, zańda áleýmettik turǵyn úidi alý úshin respýblikalyq mańyzy bar qalalarda 3 jyl boiy turaqty turǵany faktisin rastaityn qujatty usyný kerek. Búgingi tańda bul málimetter qoldanystaǵy aqparattyq júielerden alynady.
“Eger azamat atalǵan eldi mekende 3 jyl merzim turǵanyn tirkegenin aityp rastasa, ol kóshi-qon politsiiasyna júginip, HQKO-nyń qyzmetkerine usynady», — dedi J. Borsabaev.
Emhanalarda mekenjai anyqtamasyn talap etý
QR Densaýlyq saqtaý ministrliginiń Tsifrlandyrý departamenti direktorynyń orynbasary Farhad Bekbýlatov meditsinalyq mekemeler tarapynan mekenjai anyqtamasy týraly eshqandai suranys qarastyrylmaǵanyn naqtylady. Mundai jaǵdailar oryn alsa, vedomstvonyń ózine júginý qajet.
“Densaýlyq saqtaý ministrliginiń barlyq aqparattyq júieleri 5 jyl boiy kiriktiriledi. Biz el azamattarynyń turǵylyqty jeri boiynsha derekterdi derekter bazasynan alamyz, demek, Densaýlyq saqtaý ministrligine baǵynatyn meditsinalyq uiymdardyń, aýrýhanalardyń, emhanalardyń nemese memlekettik organdardyń tarapynan qandai da bir suranystar bolmaýy tiis», — dedi F. Bekbýlatov.
Bilim berý uiymyna alý
QR BǴM Balalar quqyǵyn qorǵaý komitetiniń basqarma bastyǵy Gúlnash Qoshqarova “Bilim berý týraly” QR Zańynyń 49-babynyń 1-tarmaǵyna sáikes bilim berý uiymdary balanyń qalaýyna, jeke qabiletterine jáne erekshelikterine bailanysty ata-analardy jáne basqa zańdy tulǵalardy bilim uiymdary tańdaý quqyǵyna ie ekenin aitty.
“Bilim berý uiymyna balalardy qabyldaýdyń tiptik erejelerine tiisti ózgerister engizildi. Mekenjai anyqtamasy alynyp tastaldy», — dep túiindedi G. Qoshqarova.
Eske salaiyq, 1 qarashadan bastap Qazaqstanda mekenjai anyqtamasy alynyp tastalady jáne memlekettik kórsetiletin qyzmetter tiziliminen shyǵarylady. Demek, memlekettik organdar, mektepter, meditsinalyq uiymdar t.b. 1 qarashadan bastap azamattardan mekenjai anyqtamasyn talap ete almaidy. Ony «Azamattarǵa arnalǵan úkimettiń» filialdarynan da, elektrondy úkimet portalynan da alý múmkindigi bolmaidy.
Qajet bolǵan jaǵdaida qazaqstandyqtar tirkeýge turǵan mekenjailaryn egov.kz elektrondy úkimet portaly men eGov mobile qosymshasyndaǵy jeke kabineti arqyly teksere alady
Aita ketý kerek, azamattar ekinshi deńgeili bankterdiń qyzmetine júgingen jaǵdaida mekenjai anyqtamasy talap etilgen bolsa, EDB klientteri Ulttyq banktiń Qoǵamdyq qabyldaýlaryna shaǵyna alady. Qajetti bailanystar vedomstvo saitynda kórsetilgen. Anyqtama telefondary: 8 (727) 2 788-104 (ishki 5573).
