Reseidiń premer-ministri Dmitrii Medvedev ózine Túrikmenstan prezidenti Gýrbangýly Berdimuhamedov syilaǵan alabaidy kórsetti.
Aik Reseidiń úkimet basshysynyń rezidentsiiasynda júr. Ol rezidentsiianyń kabinetterin emin-erkin aralap, iesin kórgende qýanady.
Túrikmenstan basshysy Medvedevke alabaidy mamyr aiynda syilaǵan bolatyn.
Túrikmen alabaiy – ortaaziialyq ovcharkanyń túri. Eń kóne tuqymnyń biri sanalady. Túrikmenstanda memlekettik deńgeide qorǵaýǵa alynǵan.
2017 jyly Berdimuhamedov Resei prezidenti Vladimir Pýtinge de alabai kúshigin syiǵa tartqan bolatyn.
Dmitrii Medvedev jeksenbi kúni Túrikmenstandaǵy tuńǵysh Kaspii ekonomikalyq forýmyna bardy. Qazaqstannyń Úkimet basshysy Asqar Mamin de kezdesýge qatysty.
Bul - BAQ-tA Berdimuhamedov qaitys boldy degen sybys taraǵannan keiin Túrikmenstan prezidentiniń kópshilik aldyna alǵash ret shyǵýy.
