Resei Federatsiiasy Qaýipsizdik Keńesi tóraǵasynyń orynbasary Dmitrii Medvedev koronavirýsqa qarsy ekpe jasaǵanyn habarlady, dep jazady TASS agenttigi.
«Men eki ai buryn reseilik vaktsinalardyń birin aldym», - dedi Dmitrii Medvedev reseilik BAQ-qa bergen suhbatynda. Ol belgili bir preparatty «qandai da bir vaktsina basqasynan jaqsy degen sezim bolmas úshin» atyn atamaitynyn túsindirdi.
«Vaktsinatsiianyń biraz áýresi bar: qan tapsyrý kerek, deneńizdiń qandai kúide ekenin jáne immýndyq jaǵdaiyńyzdy bilýińiz kerek (bul jasqa bailanysty, jynysyna bailanysty, ókinishke orai, er adamdarǵa bul koronavirýs infektsiiasy aýyr tiedi)», - dedi keńes tóraǵasynyń orynbasary.
«Bizdiń barlyq vaktsinalarymyz tiimdi jáne qabiletti, biraq eger siz bireýin tańdasańyz, dárigermen keńesýińiz kerek. Biraq muny isteý kerek», - dedi Medvedev.
Ol vaktsinatsiianyń qalai ótkendigi týraly keibir málimettermen bólisti.
«Óte tynysh. Saldarsyz», - dedi Qaýipsizdik Keńesi tóraǵasynyń orynbasary.
Esterińizge sala keteiik, búgin, 1 aqpanda Qazaqstanda koronavirýsqa qarsy jappai vaktsinatsiia bastaldy. Alǵashqy bolyp Qazaqstannyń Memlekettik sanitarlyq dárigeri Erlan Qiiasov pen densaýlyq saqtaý vitse-ministri Ajar Ǵiniiat egildi.
Ǵiniiat vaktsina virýsqa qarsy alǵashqy qorǵanys quraly ekenin aitty. Qazaqstannyń Bas memlekettik sanitarlyq dárigeri Erlan Qiiasov qazaqstandyqtardyń 50%-dan astamyn lokdaýndarsyz ómirge oralý úshin egý qajet ekenin túsindirdi.
