"Áleýmettik meditsinalyq saqtandyrý qory" KEAQ basqarma tóraiymy Elena Bahmýtova búgingi tańda qorǵa qansha aqsha túskenin málimdedi, dep habarlaidy Sputnik Qazaqstan tilshisi.
"Áleýmettik meditsinalyq saqtandyrý qoryna jarna retinde túsken aqshanyń jalpy kólemi búgingi tańda 69,5 milliard teńgeni quraidy. Bul qarajattyń barlyǵy Ulttyq bankte shoǵyrlanǵan. Ázirge bul qarjyny qoldaný qarastyrylmaǵan. Óitkeni olar tolyǵymen mindetti áleýmettik meditsinalyq saqtandyrý aiasynda meditsinalyq kómek kórsetý paketine baǵyttalady. Aita ketsem, qazirgi tańda 5 million 758 myń 58 adam úshin tólem tústi", — dedi Bahmýtova OKQ-de 2018 jyly dári-dármekpen qamtamasyz etý jáne kepildendrilgen tegin meditsinalyq kómek kólemin qarjylandyrý barysy týraly ótken baspasóz máslihatynda.
Aita ketsek, mindetti áleýmettik meditsinalyq saqtandyrý 2020 jylǵa deiin shegerilgen bolatyn. Alaida keiin aqpan aiynda prezidenttiń qatysýymen ótken úkimettiń keńeitilgen otyrysynda premer-ministrdiń orynbasary Erbolat Dosaev Nursultan Nazarbaevtan saqtandyrýdy 2019 jyly engizýdi surady. Memleket basshysy da kelisim bergen edi.
