Elordalyqtar 2020 jyldyń 1 qańtary men 30 qarashasy aralyǵynda meditsinalyq saqtandyrý jarnasy úshin 24,3 mlrd teńge aýdarǵan, dep habarlaidy "Ult aqparat" atalǵan qordyń baspasóz qyzmetine silteme jasap.
Osy jyldyń qarasha aiynda 2,4 mlrd teńge tústi. Olardyń qomaqty bóligi – 1,5 mlrd teńge jumys berýshilerdiń aýdarymdary, al 916 mln teńgeden astamy – jeke kásipkerlerden túsken jarnalar», - dep habarlaidy «Áleýmettik meditsinalyq saqtandyrý qory» KEAQ Nur-Sultan qalasy boiynsha filialynyń baspasóz qyzmeti.
Sondai-aq, 2020 jylǵy 30 qarashadaǵy jaǵdai boiynsha, MÁMS úshin biryńǵai jiyntyq tólem (BJT) negizinde túsken jarna 6,5 mln teńgeni quraidy. Biryńǵai jiyntyq tólem jasaý – áleýmettik jáne meditsinalyq saqtandyrý júiesine qatysýǵa quqyq beredi.
Elordalyq jumys berýshiler men jeke kásipkerlerdiń 2017 jyldyń 1 shildesi men 2020 jyldyń 30 qarashasy aralyǵynda mindetti áleýmettik meditsinalyq saqtandyrý úshin aýdarǵan jarnalarynyń jalpy somasy 54,7 mlrd teńgeni quraidy.
Meditsinalyq saqtandyrý qory patsientter quqyǵyn qorǵaidy. Sondyqtan azamattardy mobildi qosymshalarda óz derekterin tekserýge jáne sáikessizdikter anyqtalǵan jaǵdaida Qordyń elordalyq filialyna habarlaýǵa shaqyramyz. Sondai-aq, 1406 telefonyna nemese Qoldau 24/7 mobildi qosymshasy arqyly bailanysýǵa bolady.
Áleýmettik meditsinalyq saqtandyrý qorynyń Qoldau-24/7 mobildi qosymshasy Android smartfondary úshin Play Market arqyly, Apple smartfondary úshin App Store arqyly júkteledi.
Azamattardan kelip túsken barlyq ótinishter óńdelip, tirkeý nómirimen ótinishter tizilimine túsedi. Turǵyndar tarapynan túsken ótinishterge monitoring júrgiziledi, qajet bolǵan jaǵdaida belgilengen merzimde sheshim qabyldaý úshin saraptamalyq baǵalaýǵa jiberiledi.
