Nur-Sultan qalasy Taýarlar men qyzmetter qaýipsizdigi jáne sapasyn baqylaý departamentiniń basshysy Zeken Isakov maska men virýsqa qarsy dári-dármekterdi qaidan satyp alýǵa bolatyny týraly aitty, dep habarlaidy QazAqparat.
«Myna uiymdarda virýsqa qarsy dári-dármekter men meditsinalyq maskalar bar: «Ińkár» JShS, «Aqniet» JShS, «Naýza Adel» JShS, «Salamat», «EvroFarma», «AlfaMed», - deidi Zeken Isakov onlain-brifing barysynda.
Ol koronavirýstyń taralý qaýpin azaitý maqsatynda elorda ákimdigi men Qorǵanys ministrligi jáne dezinfektsiia jasaityn uiymdarmen birlesip, qoǵamdyq oryndarǵa kúndelikti zalalsyzdandyrý jumystaryn júrgizip jatqandaryn aitty.
«Qoǵamdyq oryndardy dezinfektsiialaýǵa 220-dan astam adam tartyldy. Sanitarlyq-dezinfektsiialyq jumystar áleýmettik mańyzy bar, densaýlyq saqtaý salasyna qatysty nysandar, Saýda oiyn-saýyq ortalyqtary, Temir jol vokzaldary, teatrlar siiaqty 50 nysanǵa jasalýda», - deidi ol.
