QR DSM sanitarlyq-epidemiologiialyq baqylaý komitetiniń tóraǵasy Aijan Esmaǵambetova «Meditsinalyq qarsy kórsetilimi bar qyzmetkerler PTR testinen ótýi kerek pe?» degen suraqqa jaýap berdi, dep habarlaidy QazAqparat.
Onyń aitýynsha, QR Konstitýtsiiasynyń 29-babyna sáikes, ár adamnyń óziniń densaýlyǵyna qatysty quqyǵy bar. 12-bapqa sáikes azamattardyń quqyqtary men bostandyqtaryn júzege asyrý basqa azamattardyń quqyqtary men bostandyqtaryn buzbaýǵa tiis.
«Osylaisha, biz densaýlyǵyna bailanysty nemese qarsy kórsetilimderi bar vaktsina almaǵandardy adamdardy qorǵaýymyz kerek. Memlekettik bas dárigerdiń quzyreti týraly da jii suraq qoiylady. «Densaýlyq týraly» kodekste oǵan shekteý sharalaryn engizýge ókilettik berilgen. Bul rette shekteý sharalary tizbesinde ujymdyq jáne jeke profilaktikany mindetti túrde qoldaný kózdelgen. Vaktsinalaýdyń koronavirýs infektsiiasynyń jeke jáne ujymdyq aldyn-alýdyń eń tiimdi ádisi ekenin aitqym keledi», - dedi A. Esmaǵambetova Ortalyq kommýnikatsiialar qyzmetinde ótken brifingte.
Spiker QR Eńbek kodeksiniń 48-babyna sáikes, qyzmetkerdiń áreketi nemese áreketsizdigi ainalasyndaǵy adamdardyń nemese qyzmetkerlerdiń densaýlyǵyna áser etse, jumys berýshiniń jumystan shettetýge quqyǵy bar ekenin eske saldy.
«Jumystan shettetý kedergi joiylmaityn sátke deiin júzege asyrylady. Árine, adam vaktsina alsa, ol jumysqa oralyp, offlain formatta jumysyn jalǵastyra alady. Biz qazir tańdaý quqyǵyn berip otyrmyz: vaktsina alý nemese PTR testileýden ótý. Meditsinalyq qarsy kórsetilimderi bar qyzmetkerler PTR-testileýden ótpeidi. Al qarsy kórsetilimi joq jáne vaktsina almaǵandar mindetti túrde 7 kún saiyn PTR-testten ótýi tiis», - dedi Aijan Esmaǵambetova.
