Densaýlyq saqtaý júiesi sapasyna qatysty reitingte Qazaqstan álemniń 95 eliniń ishinde 58-orynǵa turaqtady, dep habarlaidy QazAqparat.
Energyprom.kz portalynyń málimetinshe, Qazaqstannyń álemdik reitingtegi indeksi – 59,99.
Indeks joǵary bolǵan saiyn densaýlyq saqtaý júiesi de jaqsy degen sóz.
Jalpy, densaýlyq saqtaý júiesi sapasynyń indeksi meditsialyq qyzmetkerlerdi, qural-jaddyqtardy, qyzmet qunyn jáne basqa da jaittardy baǵalaý arqyly túziledi.
Reitingke sáikes, Taivan, Ońtústik Koreia jáne Japoniianyń densaýlyq saqtaý júiesi eń úzdik sanalady.
Eń nashar kórsetkish Venesýelada tirkelgen. Al reitingke qatysatyn TMD elderi arasynda Qazaqstannyń densaýlyq júiesi úzdik dep tanylǵan.
Bizge qaraǵanda Resei, Ýkraina, jáne Ázerbaijannyń kórsetkishi tómen.
Osy jyldyń aqpanynda elimizde ambýatorlyq qyzmetterdiń baǵasy 1 aida 1,8 paiyzǵa, al 1 jylda 6,4 paiyzǵa qymbattady.
Ailyq dinamikada dáriger-mamandardyń qyzmeti 6,1 paiyzǵa, dárigerlerdiń alǵash qabyldaýy 2,1 paiyzǵa, meditsinalyq zerthanalar men rentgen kabinetteriniń qyzmetteri 1,4 paiyzǵa, tis dárigerleriniń qyzmeti 0,6 paiyzǵa ósti.
2020 jyly elimizde barlyq mamandyq dárigerleriniń (tis dárigerlerin qospaǵanda) sany – 76,4 myń.
Bul 2019 jylǵy kórsetkishten 3,2 paiyzǵa kóp. Árbir 100 myń turǵynǵa 405 dárigerden keledi.
Nur-Sultan men Almaty qalalary jáne Qaraǵandy oblysy dárigerlermen birshama joǵary deńgeide qamtylǵan.
Al Aqmola, Almaty jáne Túrkistan oblystarynda dáriger jetispeýshiligi anyq baiqalady.
Elimizdiń árbir 100 myń turǵynǵa 14 provizordan, 21 farmatsevten, 323 dáriger-mamannan jáne 10 tis dárigerinen keledi.
