QR Densaýlyq saqtaý vitse-ministri Kamaljan Nadyrov tikelei efirden meditsinalyq qyzmetkerler arasynda nege koronavirýs infektsiiasy órshigenin ári onymen qalai kúresý kerektigin aitty, dep habarlaidy "Ult aqparat".
«Nege meditsina qyzmetkerleri arasynda infektsiia burq ete tústi? Strategiialyq turǵydan biz táýekelder tobynda jumys isteitinimizdi bildik. Olar, álbette, meditsina qyzmetkerleri. Olardyń barlyǵy testileýden ótedi. Bul úshin qajetti resýrstar jetkilikti. Jospar aiqyndaldy. Bizdiń áriptesterimizdiń odan ári jaǵdaiy ýshyǵýyna jol bermeý úshin oshaqtardy aiqyndaityn bolamyz. Statistika ósetini belgili. Biraq basqa jol joq», - dedi ol.
Onyń aitýynsha, barlyq oshaqtardy aiqyndaý úshin barlyq meditsinalyq qyzmetkerler testileýden ótedi. Sonymen qatar, aldyńǵy qatarda jumys istep jatqan politsiia, blokpostarda turǵan áskeriler, azyq-túlik dúkenderiniń qyzmetkerleri de testilenetin bolady.
Aita ketý kerek, Almatyda koronavirýs juqtyrǵan dárigerlerdiń sany búgin 218-ge jetti.
