Álemdik qoǵamdastyq pandemiianyń taralýyna qarsy is-qimyldyń belsendi satysynda tur. Búgingi tańda ǵalamdyq aýqymda aýyrǵandardyń jalpy sany 13 million adamnan asady.
Covid-19 juqtyrǵandardyń progressivti ósýi aiasynda álemniń kóptegen elderiniń densaýlyq saqtaý júieleri daǵdarysqa qarsy tura bilý synaǵynan ótýde. Qazaqstan da bul úrdisten tys qalmady. Bizdiń elimizdiń meditsina qyzmetkerleri sońǵy birneshe ai boiy azamattardyń ómirin qutqara otyryp, aldyńǵy shepte qyzmet atqaryp keledi.
Sonymen qatar, Qazaqstan úshin «infodemiia» siiaqty qubylystyń paida bolýy - koronavirýs týraly tekserilmegen qaýesetterdiń taralýy qosymsha táýekelge ainaldy. Ártúrli jalǵan jańalyqtardyń paida bolýy jáne azamattardyń alańdaýy jaǵdaiynda densaýlyq saqtaý júiesi qyzmetiniń ashyqtyǵy men transparenttiligin arttyrý ózekti bolyp otyr.
QR Densaýlyq saqtaý ministrligi Memleket basshysynyń pandemiia boiynsha statistikany anyqtaý mindetin oryndaý boiynsha mańyzdy is-áreketterdi qolǵa alǵany qýantady.
Birinshiden, Densaýlyq saqtaý ministri Aleksei Tsoi búgin OKQ alańynda Qazaqstandaǵy pnevmoniia aýrýynyń aýqymy týraly málimdedi. Ministrdiń aitýynsha, 2020 jyldyń basynan beri elimizde pnevmoniianyń 234 187 jaǵdaiy tirkelgen. 2019 jyldyń uqsas kezeńimen salystyrǵanda tirkelgen aýrýlar sany 3,3 ese (70 926 jaǵdai) ósti.
Ekinshiden, aitatyn ketetin jait, QR Densaýlyq saqtaý ministrliginiń Densaýlyq saqtaý ministrliginiń koronovirýs jáne Covid-19-dyń jalpy belgileri bar pnevmaniia aýrýy boiynsha statistikalyq málimetterdi biriktirý jónindegi sheshimi bizdiń el úshin Covid-19 juqtyrǵandardy esepke alý boiynsha DDSU-nyń halyqaralyq standarttaryna sáikesteý baǵytyndaǵy mańyzdy qadam.
Bul jaǵdaida Covid-19 aýrýymen aýyrǵandarǵa qatysty málimetterdi qaita rásimdeý el boiynsha aýyrǵandardyń jalpy statistikasynyń kúrt ósýine, sonda-aq, DDSU-nyń halyqaralyq reitingisinde Qazaqstanǵa qatysty málimetter kúrt nasharlaýyna ákeletinin eskerý qajet.
Degenmen, bul shara qoǵamǵa da, bilikke de Qazaqstandaǵy jaǵdaidy shynaiy baǵalaýǵa múmkindik beredi. Eń bastysy, Densaýlyq saqtaý ministrligi men jergilikti memlekettik organdarǵa pandemiiamen kúreste barlyq resýrstardy durys josparlaý men bólý múmkindigi paida bolady.
Jalpy, Qazaqstanda Covid-19 aýrýymen aýyrǵandarǵa qatysty málimetterdi qaita rásimdeý úshin negizdemelerdi keńeitý týraly Densaýlyq saqtaý ministrliginiń sheshimi densaýlyq saqtaý júiesiniń jumysynda ashyqtyq pen transparenttilikke bet burý dep baǵalaýǵa bolady.
DDSU Eýropalyq biýrosynyń tótenshe jaǵdailar jónindegi aimaqtyq direktory doktor Dorit Nittsannyń pikirinshe, Qazaqstan Covid-19 aýrýymen aýyrǵandardy esepke alý jóninde batyl qadam jasap, TMD jáne Eýropanyń birqatar elderine úlgi bolar deigeide.
Sliamjar Ahmetjarov
QR Prezidenti janyndaǵy QSZI
áleýmettik-saiasi zertteýler bóliminiń
aǵa ǵylymi qyzmetkeri
