Meditsina ardageri koronavirýs infektsiiasymen kúresý kezinde vaktsinatsiianyń mańyzdylyǵyn aitty, dep habarlaidy QazAqparat.
Almaty qalasy jedel járdem stantsiiasynyń ardageri, joǵary sanatty maman Igor Volkovtyń aitýynsha, koronavirýsty tek vaktsina jeńedi. Pandemiiadan shyǵýdyń jalǵyz joly – ekpe alý.
«Men ómir boiy jedel járdem stantsiiasynda jumys istedim jáne sońǵy 15 jyl bas dáriger boldym. Koronavirýsqa qarsy jappai vaktsinatsiia bastala salysymen alǵashqylardyń biri bolyp vaktsina aldym. Vaktsinatsiia – pandemiiany jeńe alatyn eń basty qural dep sanaimyn. Sondyqtan men barlyǵyn, búkil halyqty vaktsinatsiiadan qoryqpaýǵa shaqyramyn. Barlyǵy ózińizdi jáne jaqyndaryńyzdy osy qorqynyshty indetten qorǵaý úshin jasalatynyn túsinýińiz kerek. Vaktsina sonymen qatar epidemiianyń aldyn alatyn búgingi úmit. Sizge vaktsina egý kerek. Bul – bárimiz úshin basty jáne mańyzdy mindet», - dedi Igor Volkov.
Eske salaiyq, Qazaqstanda koronavirýsqa qarsy vaktsinalaý birinshi aqpanda bastaldy.
2021 jylǵy 1 shildedegi málimet boiynsha, Qazaqstanda I komponentpen - 3 413 684 adam, II komponentpen 2 039 622 adam vaktsinalandy.
