2018 jyldyń 16 mamyrynda Qaraǵandy qalasyndaǵy "Dostyq" úiinde qoǵamdyq mediatorlardyń sheberlikterin shyńdaýǵa arnalǵan «Mediatsiia – qoǵamnyń qalyptasýynyń tiimdi institýty» atty oqytý kýrstary ótti. Is-sharaǵa oblystyń qala jáne aýdandardyń qoǵamdyq mediatorlary qatysty.
Atalǵan sharanyń maqsaty - Qazaqstan Respýblikasy Prezidentiniń tapsyrmasyn oryndaý, daý-damailardy sheshýdegi mediatsiia institýtynyń ereksheligin nasihattaý, turǵyndardyń quqyqtyq saýattylyǵyn arttyrý.
Oqytý kýrstary «Qazaqstan Respýblikasynda mediatsiia institýtyn jetildirý», «Áleýmettik jáne eńbek qatynastaryndaǵy mediatsiia», «Mediatsiia – qoǵamnyń qalyptasýynyń tiimdi institýty» taqyryptaryna arnaldy.
Sonymen qatar, oqytý barysynda mediatsiia boiynsha tájiribelik sabaqtar ótkizildi.
Moderatorlar retinde oqytý kýrstaryn Qaraǵandy oblysy ákimi apparatynyń «Qoǵamdyq kelisim» KMM mediatsiia bóliminiń basshysy, kásibi mediator Ainur Ospan, E.A.Bóketov atyndaǵy Qaraǵandy memlekettik ýniversitetiniń azamattyq jáne eńbek quqyqtary kafedrasynyń professory, zań ǵylymdarynyń kandidaty, dotsent, mediatsiia boiynsha trener Mira Jasqairat, Qazaqstan Respýblikasynyń «Qyzyl ai» QB Qaraǵandy oblystyq filialynyń direktory, kásibi mediator Tatiana Abramova, «Mir dobra» qoǵamdyq birlestiginiń prezidenti, kásibi mediator Oleg Majýra júrgizip otyrdy.
Shara sońynda qatysýshylarǵa arnaiy sertifikat tabys etti.
