Memleket basshysynyń Jarlyǵymen qyzmettik boryshyn atqarýda kórsetken batyldyǵy men janqiiarlyǵy úshin Tótenshe jaǵdailar ministrliginiń Almaty qalasy Tótenshe jaǵdailar departamenti órt sóndirý jáne avariialyq-qutqarý jumystary qyzmeti №7 órt sóndirý bóliminiń aǵa órtsóndirýshi-qutqarýshysy Arslan Joldasbekuly Qurmanbekov III dárejeli "Aibyn" ordenimen nagradtaldy, - dep habarlaidy "Ult aqparat" Aqordanyń baspasóz qyzmetine silteme jasap.
Arslan Joldasbekuly – azamattyq qorǵanys serjanty.
1994 jyly 23 tamyzda Almaty oblysy Talǵar aýdany Talǵar qalasynda dúniege kelgen.
Eńbek jolyn Almaty qalasy TJD «ÓSjAQJQ» MM №9 mamandandyrylǵan órt sóndirý bóliminde órt sóndirýshi-qutqarýshy retinde bastaǵan.
Almaty qalasy TJD «ÓSjAQJQ» MM №1 órt sóndirý bóliminde órt sóndirýshi, aǵa órt sóndirýshi-qutqarýshy bolyp qyzmet atqarǵan.
Tótenshe jaǵdailar ministrligi Almaty qalasy Tótenshe jaǵdailar departamenti órt sóndirý jáne avariialyq-qutqarý jumystary qyzmeti №7 órt sóndirý bóliminiń aǵa órt sóndirýshi-qutqarýshysy qyzmetine 2019 jyly kelgen.
Biyl 8 mamyrda Arslan Qurmanbekov Ile-Alataý tabiǵi parkiniń taý bókterindegi órtti sóndirgen jedel toptyń quramynda qyzmettik boryshyn atqara júrip, qaiǵyly jaǵdaida qaza tapty.
