Búginnen bastap Qazaqstan Respýblikasynyń Mədeniet jəne sport ministrligi onlain jumysyn jańa formatta jalǵastyrady, dep habarlaidy "Ult aqparat".
Ministrlik osy jyldyń 23 naýryzynan bastap el turǵyndaryn rýhani, mádeni turǵydan baiytý, ártúrli jastaǵy azamattardyń sporttyq belsendiligin qoldaý maqsatynda birqatar jobalardy júzege asyryp keledi. Osy rette mádeniet, sport, týrizm salasy mamandarynyń uiymdastyrýymen ótken dáris, vebinar, onlain-kontsert («Karantindegi juldyz» «Qazaqtelekom» AQ birlesken joba), onlain-konkýrs («Ónerli óren» balalarǵa arnalǵan respýblikalyq konkýrs), virtýaldy ekskýrsiia, balalarǵa arnalǵan ertegiler, belgili atlettermen ótkiziletin jattyǵýlar, qashyqtan jáne onlain rejimdegi spektaklder men filmderdi aita ketken jón.
«11 mamyrda Memleket basshysy Tótenshe jaǵdai rejimin qamtamasyz etý jónindegi memlekettik komissiianyń qorytyndy otyrysynda Tótenshe jaǵdai rejimi aiaqtalǵanymen, indet bəseńsimei turǵan kei óńirlerde saqtyq is-sharalary júrgizile beretinin aitqan edi. Osyǵan bailanysty ministrlik onlaindaǵy jumysyn jańa formatta jalǵastyrady. Búginnen bastap el turǵyndaryna kún saiyn 5 mədeni-sporttyq is-shara onlainda qoljetimdi bolady, - dep atap ótedi Mádeniet ministrliginiń baspasóz qyzmetinen.
Atap aitqanda, tańǵy saǵat 08:00-de #BizBirgemiz #AlǵaQazaqstan heshtegimen tanymal sportshy, bapkerlerdiń qatysýymen tańǵy jattyǵý ótedi. Elge esimi tanys atletter jalpy halyqqa salaýatty ómir saltyn qalyptastyrýdy nasihattap, osy baǵytta eleýli úles qosyp keledi.
«Ertegiler əleminde» atty baǵdarlama saǵat 12:00 men 20:30-da Mádeniet jáne sport ministrliginiń You Tube arnasy men bizbirgemiz_culture instagram paraqshasynan efirge shyǵady. Elimizdiń úzdik teatr akterleri balalarmen qiial-ǵajaiyp əlemine saiahattaidy.
Saǵat 14:00-de #óneronline #onlinedabol heshtegimen mədeniet, óner taqyrybynda onlain-dərister ótedi. Bul sheberlik-dárisin Mádeniet jáne sport ministrliginiń You Tube arnasynan tamashalai alasyzdar.
Al saǵat 18:00-de Qazaqstannyń mańdai aldy balet ujymdary ozyq qoiylymdaryn Mádeniet jáne sport ministrliginiń YouTube arnasy men bizbirgemiz_culture instagram paraqshasynda tartý etedi.
20:00-de Tanymal ənshilerimizdiń Mədeniet jəne sport ministrliginiń altyn qoryndaǵy kontserti men opera maitalmandarynyń ónerine Mádeniet jáne sport ministrliginiń You Tube arnasy men bizbirgemiz_culture instagram paraqshasynan kýə bola alasyzdar.
Aita keteiik, karantin kezinde kópshiliktiń joǵary baǵasyna ie bolǵan Mádeniet jáne sport ministrligi men «Qazaqtelekom» AQ-men birlesip ázirlegen «Karantindegi juldyz» onlain-jobasy aiaqtaldy.
