Frantsiia ulttyq quramasy men PSJ komandasynyń shabýylshysy Kilian Mbappe álemdegi eń qymbat fýtbolshy atandy. Bul týraly CIES Football Observatory zertteý kompaniiasyna silteme jasap QazAqparat habarlaidy.
CIES Football Observatory 19 jastaǵy oiynshynyń transferlik qunyn 216,5 million eýroǵa baǵalap otyr. Aita keteiik, ortalyqtyń zertteýinshe, Mbappe quny 200 million eýrodan asatyn jalǵyz oiynshy. Ol Frantsiia quramasymen birge 2018 jyly álem chempiony ári mýndialdyń úzdik jas fýtbolshysy atanǵan.
Eń qymbat shabýylshylar tiziminde, sondai-aq aǵylshyn oiynshysy Garri Kein (€ 197,3 mln; «Tottenhem»), braziliialyq Neimar (€ 197 mln; PSJ), Mysyr oiynshysy Muhammed Salah (€ 173 mln; «Liverpýl»), braziliialyq taǵy bir shabýylshy Filippe Koýtino (€ 171,3 mln; «Barselona»), argentinalyq Lionel Messi (€ 170,6 mln; «Barselona»), Angliianyń taǵy bir ókili Rahim Sterling (€ 164,6 mln; «Manchester Siti»), belgiialyq Romelý Lýkaký (€ 164,3 mln; «Manchester Iýnaited»), frantsýz Antýan Grizmann (€ 157,7 mln; «Atletiko») jáne argentinalyq Paýlo Dibala (€ 155,6 mln; «Iýventýs») bar.
Jartylai qorǵaýshylardyń ishindegi eń qymbat «Tottenhem» oiynshysy Dele Alli bolyp otyr. Onyń transferlik quny 163,4 mln eýroǵa baǵalanǵan. Álemniń eń qymbat jartylai qorǵaýshylary tiziminde, sondai-aq belgiialyq Kevin de Briýine (€ 150,4 mln; «Manchester Siti»), frantsýz Pol Pogba (€ 130,5 mln; «Manchester Iýnaited»), frantsýz N'Golo Kante (€ 90,6 mln; «Chelsi»), aǵylshyn Erik Daier (€ 90,5 mln; «Tottenhem»), ispaniialyq Saýl Niges (€ 90,2 mln; «Atletiko»), braziliialyq Fabino (€ 82,3 mln; «Liverpýl»), gvineialyq Nabi Keita (€ 75,5 mln; «Liverpýl»), gollandiialyq Djordjino Veinaldým (€ 73,2 mln; «Liverpýl») jáne braziliialyq Jorjino (€ 72 mln; «Chelsi») bar.
Qymbat ortalyq qorǵaýshylar úshtigi frantsýz Samiýel Ýmtiti (€ 99,2 mln; «Barselona»), kolýmbiialyq Davinson Sanches (€ 97,2 mln; «Tottenhem») jáne germaniialyq Antonio Riýdigerlerden quralǵan (€ 81,6 mln; «Chelsi»). Eń qymbat qaptal qorǵaýshylary mynalar: Trent Aleksander-Arnold (€ 96,4 mln; «Liverpýl), Kail Ýoker (€ 88,3 mln; «Manchester Siti») jáne Endriý Robertson (€ 68,9 mln; «Liverpýl»). Al braziliialyq Ederson (€ 102 mln; «Manchester Siti»), germaniialyq Mark-Andre ter Shtegen (€ 99,1 mln; «Barselona») jáne braziliialyq Alison Beker (€ 90,8 mln; «Liverpýl») álemniń eń qymbat qaqpashylary úshtiginde
