Búgin Palata Spikeri Nurlan Nyǵmatýlinniń tóraǵalyǵymen Májilistiń jańa maýsymdaǵy alǵashqy Biýro otyrysy ótip, aldaǵy sársenbide talqylanatyn suraqtar jobasy qaraldy, dep habarlaidy QR Parlamenti Májilisiniń baspasóz qyzmeti.
Aldymen Nurlan Nyǵmatýlin jańa V-shi sessiia jumysy bastalǵanyn, Memleket Basshysy Qasym-Jomart Kemeluly Toqaev óziniń alǵashqy Joldaýyn Parlamentte jasaǵanyna kóńil bólip, aldaǵy sessiianyń basym baǵyttarymen qatar Elbasynyń Qazaqstandy damytý baǵyty boiynsha, eldi odan ári nyǵaitýdyń negizgi maqsattaryn aitylǵanyna toqtaldy. Sonyń ishinde, ekonomikany jańǵyrtýǵa, halyqtyń áleýmettik jaǵdaiyn kúsheitýge erekshe nazar aýdardy. Sondyqtan, aldaǵy sessiiada biz, Prezident Joldaýynda aitylǵan azamattardyń bostandyǵyn qorǵaý, shaǵyn jáne orta biznesti qoldaý, jemqorlyqpen kúres, ekologiialyq máseleler basqa da suraqtardy sapaly zańdarmen qamtamasyz etetin bolamyz»,-dedi Palata Spikeri.
Aldaǵy sársenbide depýtattar nazaryna Armeniiamen Azamattyq qorǵanys, tótenshe jaǵdailardyń aldyn alý jáne olardy joiý salasyndaǵy yntymaqtastyq týraly úkimetaralyq kelisimdi ratifikatsiialaý týraly zań jobasy usynylady.
Sonymen qatar, osy kúni birqatar mańyzdy qujattar jumysqa alynady. Olardyń qatarynda «Astana» halyqaralyq qarjy ortalyǵy týraly» Konstitýtsiialyq zańǵa túzetýler engizýge qatysty konstitýtsiialyq zań jobasy, Ulttyq qordan 2020 – 2022 jyldarǵa arnalǵan kepildendirilgen transfert týraly, respýblikalyq jáne oblystyq biýdjetter, respýblikalyq mańyzy bar qalalar, astana biýdjetteri arasyndaǵy 2020 – 2022 jyldarǵa arnalǵan jalpy sipattaǵy transfertterdiń kólemi týraly, 2020 – 2022 jyldarǵa arnalǵan respýblikalyq biýdjet týraly zań jobalary bar.
Sondai-aq, «Pedagog mártebesi týraly» jáne oǵan ilespe zań jobasy, eńbek, týristik qyzmet máselelerine qatysty túzetýlerge arnalǵan zań jobalary boiynsha jáne qylmystyq jolmen alynǵan kiristerdi zańdastyrýǵa (jylystatýǵa) jáne terrorizmdi qarjylandyrýǵa qarsy is-qimyl máseleleri boiynsha túzetýlerge qatysty qorytyndy ázirleý merzimi belgilenetin bolady.
Osy kúni depýtattar birqatar ratifikatsiialyq zań jobalaryn da jumysqa almaq. Atap aitsaq, olar: Braziliiamen qylmystyq ister boiynsha ózara quqyqtyq kómek týraly, Mońǵoliiamen sottalǵan adamdardy berý týraly sharttardy, Ózbekstanmen Zańsyz kóshi-qonǵa qarsy kúrestegi yntymaqtastyq týraly, Túrkiiamen áskeri yntymaqtastyq týraly kelisimderdi ratifikatsiialaý týraly, sondai-aq, Shanhai yntymaqtastyq uiymynyń ekstremizmge qarsy is-qimyl jónindegi konventsiiasyn, 2014 jylǵy 29 mamyrdaǵy EEO shartqa Qyrǵyz Respýblikasynyń qosylýyna bailanysty Qyrǵyz Respýblikasynyń 2014 jylǵy 29 mamyrdaǵy Eýraziialyq ekonomikalyq odaq týraly shartty, Eýraziialyq ekonomikalyq odaqtyń quqyǵyna kiretin jekelegen halyqaralyq sharttardy jáne Eýraziialyq ekonomikalyq odaq organdarynyń aktilerin qoldanýy jónindegi jaǵdailar men ótpeli erejeler týraly 2015 jylǵy 8 mamyrda qol qoiylǵan hattamaǵa ózgeris engizý týraly hattamany ratifikatsiialaý týraly, Reseimen «Baiqońyr» keshenin jalǵa berý shartyna ózgeris engizý týraly úkimetaralyq hattamany jáne «Baiqońyr» keshenin gazben jabdyqtaý týraly kelisimdi, Armeniiamen Azamattyq qorǵanys, tótenshe jaǵdailardyń aldyn alý jáne olardy joiý salasyndaǵy yntymaqtastyq týraly kelisimdi ratifikatsiialaý zań jobalary.
