Parlament Májilisiniń jalpy otyrysynda «Qazaqstan Respýblikasynyń keibir zańnamalyq aktilerine daýlardy sottan tys jáne sotqa deiingi retteý institýttaryn damytý máseleleri boiynsha ózgerister men tolyqtyrýlar engizý týraly» zań jobasy ekinshi oqylymda maquldandy, dep habarlaidy QazAqparat.
Qazaqstan Respýblikasy Parlamentiniń depýtattary bastamashy bolǵan zań jobasy daýdy (janjaldy) sheshýdiń sottan tys tártibin, onyń ishinde tatýlastyrý rásimderin paidalana otyryp damytý maqsatynda ázirlendi.
Zańnama jáne sot-quqyqtyq reforma komitetiniń málimetinshe, tatýlastyrý rásimderin qoldaný salasyn keńeitý, azamattardyń sot shyǵystaryn barynsha azaitý, sondai-aq daýdy (janjaldy) sottan tys retteýge halyqtyń múddeliligin anyqtaý zań jobasynyń mindetteri bolyp otyr.
Zań jobasymen mediatorlar uiymynyń negizgi fýnktsiialaryn jáne ýákiletti organnyń quzyretin aiqyndaityn túzetýler engiziledi.
Mediatsiiany qoldaný múmkindigin keńeitý maqsatynda onlain-mediatsiiany damytýǵa baǵyttalǵan túzetýler usynylady.
Zań jobasymen jumys barysynda depýtattar Azamattyq protsestik kodekske taraptarǵa eksaýmaqtyq sottylyqty tańdaý quqyǵyn beretin túzetýler engizdi. Sondai-aq azamattyq protseske «sotqa deiingi hattama» degen jańa institýt engiziledi, ol taraptarǵa sotta tabysqa jetý múmkindigin baǵalaýǵa jáne osyǵan bailanysty daýdy sotqa deiingi tártippen retteý múmkindigin jáne basqa da birqatar túzetýlerdi paidalanýǵa múmkindik beredi.
Budan basqa, komitetter men depýtattar engizgen ózgerister men tolyqtyrýlar zań jobasyn zań tehnikasy qaǵidalaryna sáikes keltirýge baǵyttalǵan jáne redaktsiialyq-naqtylaý sipatyna ie.
Atalǵan qujat biyl qarasha aiynyń baiasynda Parlament Májilisiniń jalpy otyrysynda birinshi oqylymda maquldanǵan bolatyn.
