Parlament Májilisiniń jalpy otyrysynda «2014 jylǵy 29 mamyrdaǵy Eýraziialyq ekonomikalyq odaq týraly shartqa Armeniia Respýblikasynyń qosylýy týraly 2014 jylǵy 10 qazandaǵy shartqa ózgerister engizý týraly hattamany ratifikatsiialaý týraly» zań jobasy maquldandy, dep habarlaidy "Ult aqparat".
Armeniia Respýblikasy 2015 jylǵy 1 qańtarda Eýraziialyq ekonomikalyq odaqqa múshe boldy.
«Eýraziialyq ekonomikalyq odaqqa kirý jónindegi kelissózder nátijesinde Armeniia Respýblikasyna qosylǵan sátten bastap 7 jyl ishinde 981 taýarǵa qatysty neǵurlym tómen kedendik ákelý bajdaryn qoldaný múmkindigi berildi. Bul et, jarma, himiialyq ónimder, avtomobilder, dári-dármekter, jabdyqtardyń, quraldardyń jáne asyl tastardyń keibir túrleri. Bul rette osy tizbeni jyl saiyn qysqartý kózdelgen. Armeniiaǵa berilgen ótpeli kezeń 2022 jyly aiaqtalady. 2019 jylǵy jeltoqsanda Joǵary Eýraziialyq ekonomikalyq keńes barysynda Armeniia Respýblikasynyń Premer-Ministri Biryńǵai kedendik tarifke kóshý kezeńin uzartý týraly ótinishpen júgindi. Armeniia Respýblikasynda qalyptasyp otyrǵan ekonomikalyq jaǵdaidy eskere otyryp, Eýraziialyq ekonomikalyq odaqtyń qalǵan memleketteri neǵurlym tómen bajdardy qoldaný múmkindigin 1 jylǵa uzartýǵa kelisti», - dedi QR Saýda jáne integratsiia ministri Baqyt Sultanov.
Onyń aitýynsha, ótpeli kezeń 553 taýarǵa qatysty uzartyldy.
Kólik tobyna qatysty ótpeli kezeń uzartylmady jáne 2020 jylǵy 1 qańtarda aiaqtaldy.
