Parlament Májilisiniń jalpy otyrysynda «Aq jol» fraktsiiasy shaǵyn jáne orta biznesti qoldaý týraly aitty, dep habarlaidy "Ult aqparat".
«2020 jylǵy 1 qyrkúiekte Prezident Qazaqstan halqyna Joldaýynda shaǵyn jáne orta bizneske qosymsha kómek retinde ekonomikanyń zardap shekken salalaryndaǵy ShOB-tyń barlyq qoldanystaǵy nesieler boiynsha paiyzdyq stavkalardy jyldyq 6 paiyzǵa deiin memlekettik sýbsidiialaýdy qamtamasyz etýdiń qajettigi týraly atap ótti. «Aq jol» fraktsiiasy osyndai sheshimdi tolyqtai qoldaidy», - dep toqtaldy depýtat Azat Perýashev QR Úkimet basshysy Asqar Maminniń atyna joldaǵan depýtattyq saýalynda.
Budan bólek depýtat 2020 jylǵy 2 qyrkúiektegi Úkimet otyrysynda Qarjy naryǵyn retteý jáne damytý agenttiginiń tóraiymy Mádina Ábilqasymova qarjylyq qoldaý sharalary boiynsha qazirgi jaǵdaidy baiandaǵanyn eske saldy.
«Baiandamada atalyp ótkendei, 2020 jylǵy 1 shildedegi jaǵdai boiynsha sýbsidiialanatyn nesieler boiynsha ortasha stavka shamamen 15 paiyzdy quraidy. Sonymen birge, agenttik basshysy ekinshi deńgeili bankterdiń joǵary stavkasyn sýbsidiialanatyn nesieler turǵysynda jyldyq 20 jiyrma paiyzdan tómen emes mólsherde belgileýdi usyndy», - dedi depýtat.
Onyń sózine qaraǵanda, osy joly memlekettik qoldaýdyń eleýli úlesi kásipkerlerge emes, bankterdiń kirisin arttyrýǵa baǵyttalǵaly tur.
«Aqjol» fraktsiiasy depýtattary tarapynan osy usynysqa qatysty saýal týyndap otyr. Eger ekinshi deńgeili bankter shaǵyn jáne orta biznes sýbektilerine jyldyq 20 paiyz stavkasy boiynsha nesie berse, olar osy arqyly joǵary marjany qamtyp otyr. ShOB-tyń jappai qiyn jaǵdaiǵa tap bolýy jaǵdaiynda olardyń tábetin shekteýdiń ornyna, memleket budan ary qarai da osy suranystaryn qanaǵattandyrmaq. Qazirgi jaǵdaida biznes te, memleket te tiisti shyǵynǵa tap bolyp otyr. Eshteńe bolmaǵandai, tek bankter ǵana burynǵydai qomaqty tabys jasaǵysy kelýde», - dedi depýtat.
Onyń paiymynsha, qaryz alýshylardyń kóbisi nesie tóleýge qaýqarsyz bolyp turǵan kezde, ekinshi deńgeili bankterdiń suranysyn qanaǵattandyrý usynysy tyiylmai tur.
Joǵaryda atap ótilgendi eskere otyryp, «Aq jol» depýtattyq fraktsiiasy Úkimetke memlekettik múdeni qoldaýǵa qatysty tiisti usynysty jasady. Bul turǵyda shaǵyn jáne orta biznesti qoldaýǵa arnalǵan ońtaily qadamdardy iske asyrý qajettigi aityldy.
