2022 jyldyń sońyna deiin Qazaqstan Respýblikasy halqynyń 97 paiyzy keń jolaqty internet jelisimen qamtylady. Bul týraly Parlament Májilisindegi Úkimet saǵatynda Tsifrlyq damý, innovatsiialar jáne aeroǵarysh ónerkásibi ministri Asqar Jumaǵaliev málim etti, dep habarlaidy QazAqparat tilshisi.
«Qazirgi kezde elimizde 117 qala men 3 324 aýylda keń jolaqty internet qoljetimdi. Ol ártúrli tehnologiialarmen qamtamasyz etilgen, solardyń ishinde talshyqty-optikalyq jeli, 3G jáne 4G jelileri. 2018 jyly Qazaqstan álemdik reitingte uialy bailanys abonentteri boiynsha 21-orynǵa ie boldy. Qazaqstanda internet paidalanýshylar sany 2018 jyly 81,3 paiyzdy qurady jáne álemdik reitingte Qazaqstan 45-orynǵa ie boldy. Aýyldyq jerlerdi keń jolaqty internetpen ary qarai qamtý úshin 2018-2022 jyldarda talshyqty-optikalyq jáne LTE (4G) jelilerin salý josparlanýda», - dedi A. Jumaǵaliev.
Atap aitqanda, birinshi kezeń talshyqty-optikalyq jelilerdi salýǵa negizdelgen. Jobany iske asyrý 1 250 aýyldyq eldi mekende joǵary jyldamdyqty internet qyzmetterin usynýǵa múmkindik beredi. 2019 jylǵy birinshi jartyjyldyqtaǵy jaǵdaiy boiynsha talshyqty-optikalyq jeliler 83 aýyldyq eldi mekende (onyń ishinde 85 densaýlyq saqtaý jáne 76 bilim nysany) iske qosyldy. 2019 jyldyń aiaǵyna deiin 685 aýyl internet jelisine qosylady, al 2020 jyly qalǵan 509 aýyldy qosý josparlanýda.
Ekinshi kezeń barysynda 2020-2022 jyldarda LTE (4G) standartyndaǵy mobildi jelilerdi jáne basqa tehnologiialardy damytý arqyly 3 143 aýyldy internetpen qamtý josparlanýda.
Osy atalǵan jobalardy iske asyrý aiasynda 2020 jyldyń aiaǵyna deiin turǵyndardyń sany 250-den asatyn 880 aýyl keń jolaqty internet jelisimen qamtylatyn bolady.
«Sonymen qatar, ary qarai turǵyndardyń sany 50-den joǵary 885 aýyldy internet jelisine qosý josparlanýda. Qorytyndysy boiynsha. 2022 jyldyń sońyna deiin 5089 aýyldyq eldi meken internet jelisine qosylady. Al qalǵan aýyldarǵa spýtniktik bailanys arqyly Internet jelisin uiymdastyrýdyń tehnikalyq múmkindigi qamtamasyz etiledi. Bul oraida aýyldyq eldi mekenderdi internet jelisine qosý Ulttyq ekonomika ministrligimen jasalǵan perspektivti aýyldar tizimine sáikes oryndalatyn bolady», - dep naqtylady Asqar Jumaǵaliev.
Belgili bolǵandai, joǵaryda atalǵan jobalardy oryndaý jumystarynyń nátijesi boiynsha 2022 jyldyń sońyna deiin Qazaqstan Respýblikasy halqynyń 97 paiyzy keń jolaqty internet jelisimen qamtylatyn bolady. Qalǵan 3 paiyzyna spýtniktik tehnologiiany qoldaný múmkindigi qamtamasyz etiledi.
