Almatyǵa jumys sapary aiasynda QR Parlamenti Májilisiniń depýtattary Aidos Sarym, Aigúl Quspan jáne Juldyz Súleimenova qańtar aiyndaǵy oqiǵalar kezinde zardap shekken kásipkerlermen kezdesip, zalaldy óteý boiynsha tólemder men ótemaqyny jedeldetýdiń ózekti máselelerin talqylady, dep habarlaidy QazAqparat.
Zardap shekken kásiporyndardyń biri «DasAutoServise» JShS. Avtoservis iesi Kiril Nagiev 6 jyl boiy avtomobilderdi jóndeýmen jáne avtobólshekterdi satýmen ainalysady jáne munda atalǵan jerdi jalǵa alady.
Olar oryn alǵan jaǵdaidan keiin jalaqy almaǵan.
«Bizdiń avtoservisimizde klientterdiń 9-ǵa jýyq kóligi boldy, barlyǵy órtendi. Olar da tekserýden ótip, zalaldy óteýge ótinish beredi. Biz shyǵyn somasyn tek 40 mln teńgege dáleldei aldyq, ótinim qazir maquldaý kezeńinde. Barlyq qujattar men diagnostikalyq jabdyqtardyń da janyp ketkenniń saldarynan dáleldei almaǵanymyz qanshama», - dedi Kiril Nagiev.
Jappai tártipsizdik kezinde avtoserviste bolǵan avtokólik ieleriniń ótinishteri elektrondyq platformada jeke tirkelgen, olar qaraý barysynda.
Sonymen qatar, jappai tártipsizdik barysynda 2 kólik urlandy.
Avtoseris ǵimaratynyń ózine keletin bolsaq, qazirgi ýaqytta ǵimarattyń qoldanystaǵy parametrlerin saqtai otyryp, qaita qurýǵa arnalǵan jobalyq-smetalyq qujattama ázirlenýde.
Alaida iesi JSQ jáne saraptamalyq qorytyndy úshin qarjylyq turǵyda tóleý múmkindigi joq ekenin jetkizdi.
«Bul jaǵdaidyń kúrdeliligi nede, munda iesi bireý, biraq bir biznes aiasynda 10-nan astam qosalqy jalǵa alýshy jumys isteidi. Bul keis boiynsha bizde túsinistik bar – eń bastysy, kásipkerde aldaǵy jospardyń kórinisi paida boldy. Biz aýdan ákimdigimen keliskenimiz boiynsha búgin-erteń iesine naqty jospar-keste usynylady: qashan, qai merzimde, qandai saraptamalar júrgizý kerektiginde. Biz de muny baqylaýǵa alamyz, qalalyq qyzmetterdiń jumysyn jedeldetetin bolamyz», - dedi májilismen Aidos Sarym.
