Ókilettik merzimin toqtatqan depýtat Muhtar Tinikeevtiń ornyna jańa depýtat bolyp zań boiynsha "Nur Otan" partiiasyndaǵy depýttardyń biri kele alady. Bul týraly Ortalyq sailaý komissiiasy tóraǵasy mindetin atqarýshy Vladimir Foos aitty, - dep habarlaidy "Ult aqparat" kaz.tengrinews.kz portalyna silteme jasap.
Vladimir Foos "Nur Otan" partiiasynyń komissiiadaǵylarǵa Tinikeevtiń ornyna ázirshe eshkimdi usynbaǵanyn aitty.
"Bizge onyń ótinishi keshe ǵana kelip tústi. Biz Májiliske qajetti qujattardy engizdik. Endi olardyń ne isteitini ózderiniń ókilettiginde. Biz partiianyń tizimdegi qai úmitkerdi usynatynyn kútetin bolamyz. Sonda ǵana biz qajetti qujatty qabyldaityn bolamyz. Zań boiynsha úmitker "Nur Otan" partiiasyndaǵy úmitkerlerdiń tizimi boiynsha anyqtalady", - dedi Vladimir Foos jýrnalisterge.
Eske salaiyq, taiaýda Muhtar Tinikeev jaily daýly video Jelide jariia bolǵan edi. 20 jeltoqsanda taralǵan videoda Májilis depýtaty basqa bir depýtatpen dóreki sóilesip, shapalaqpen urady. Rolikte bylapyt sózder aitylady.
Tinikeevtiń ózi bastapqyda bul videonyń eki jyl buryn ázil ekenin málimdegen, alaida Tengrinews.kz tilshisi oqiǵanyń 2016 jyldyń jeltoqsan aiynyń ortasynda bolǵanyn anyqtady.
Al keshe depýtat Muhtar Tinikeev ókilettik merzimin toqtatý týralyótinish bergen bolatyn. "Onda depýtat M.B. Tinikeev bolǵan oqiǵa boiynsha sailaýshylardan jáne áriptesterinen keshirim surai otyryp, Ortalyq sailaý komissiiasyna ókilettik merzimin toqtatý týraly resmi túrde ótinish bergenin habarlady. Keńes jaǵdaidy jan-jaqty talqylai kelip, depýtattyń sheshimimen kelisti. M. Tinikeev ótinishiniń tolyq mátini Parlamenttiń resmi saityna ornalastyryldy", - dep habarlandy saitta.
Sondai-aq, búgin depýtattar Tinikeevtiń depýtattyq ókilettigin merziminen buryn toqtatýǵa daýys berdi.
