Qazaqstanda zeinetaqy qujattaryn rásimdeý tártibi jeńildeidi. Búgin memlekettik qyzmetter kórsetý máseleleri boiynsha ózgerister men tolyqtyrýlar engizý týraly zań jobasy birinshi oqylymda maquldandy, dep habarlaidy Sputnik Qazaqstan tilshisi.
Zań jobasynda "bir tereze" qaǵidatynyń ornyna "bir ótinish" qaǵidaty nemese qyzmetter kórsetýdiń kompozittik tásili engizilip otyr. Kompozittik tásil qazaqstandyqtarǵa bir ótinish arqyly birneshe ózara bailanysty qyzmetterdi alýǵa múmkindik beredi.
"Máselen, buryn azamat zeinetaqy tólemderin alýǵa arnalǵan eki túrli ótinishti, iaǵni bazalyq jáne ortaq zeinetaqy boiynsha jeke-jeke, aldymen, halyqqa qyzmet kórsetý ortalyǵyna berýi tiis bolatyn. Buǵan qosa, Biryńǵai jinaqtaýshy zeinetaqy qoryna taǵy bir ótinish berýi qajet edi. Zeinetker óz zeinetaqysyn alý úshin ártúrli mekemelerge baryp, árqaisysy 3-7 jáne odan da kóp qujattan turatyn úsh bólek qujattar toptamasyn daiyndaýy tiis bolatyn", - deidi Aisina.
Endi, depýtattyń aitýynsha, barlyq úsh qyzmet tek HQKO arqyly bir ótinish boiynsha kórsetiledi. Nátijesinde qujattar sany birshama qysqaryp, azamattar úshin óte yńǵaily bolmaq.
Zań jobasy arqyly quramyna 55 qyzmet biriktiriletin 21 kompozittik qyzmetti engizý kózdelip otyr.
Májilis depýtattary bul zań jobasyn birinshi oqylymda maquldady.
