Parlament Májilisiniń Tóraǵasy Nurlan Nyǵmatýlin «Qazaqstan Respýblikasynda beibit jinalystardy uiymdastyrý jáne ótkizý tártibi týraly» zań jobasyna qatysty pikir bildirdi, dep habarlaidy QazAqparat.
N. Nyǵmatýlin Májilis depýtattary, memlekettik organdar, parlamenttik emes partiialar, ÚEU men azamattyq qoǵamnyń ókilderi birlesip jumys atqarǵan jańa zań jobasy halyq únine qulaq asatyn memleket tujyrymdamasyna sáikes keletinin atap ótti. Otyrys barysynda depýtattar birqatar máselelerge toqtaldy.
Nurlan Nyǵmatýlin talqylaýdy qorytyndylai kele, zań jobasynyń úkimettik nusqasy túrli alańdarda, sonyń ishinde óńirlerde talqylanǵannan keiin, eleýli ózgeristerge ushyraǵanyna toqtaldy. Budan basqa, ekinshi oqylymǵa deiin jumys toby túzetýler men tolyqtyrýlardyń sońǵy redaktsiialaryn pysyqtaýy tiis.
Májilis tóraǵasy bul mitingiler týraly zań jobasy halyq únine qulaq asatyn memleket tujyrymdamasyna sáikes keletinin aityp, zań jobasy jinalystar men mitingilerdi uiymdastyrý men ótkizýdiń qoldanystaǵy tájiribesin túbegeili ózgertetinine jáne azamattardyń quqyqtary, sondai-aq olardyń jinalystar men mitingilerdi ótkizý kezindegi jaýapkershilikteriniń ońtaily úilesimin qamtamasyz etetine nazar aýdardy.
Budan buryn habarlanǵandai, Parlament Májilisiniń jalpy otyrysynda «Qazaqstan Respýblikasynda beibit jinalystardy uiymdastyrý jáne ótkizý tártibi týraly» zań jobasy birinshi oqylymda maquldandy.
