Áielderdiń zeinetke shyǵý jasyn tómendetý úshin memlekettik qarjy múmkindigin eskerý kerek. Bul týraly Májilis tóraǵasy Erlan Qoshanov aitty, dep habarlaidy QazAqparat.
Búgin palatanyń jalpy otyrysynan keiin tilshiler Qoshanovtan áielderdiń zeinetke shyǵý jasyn 58-ge tómendetýge qatysty suraq qoidy.
«Bul máselege jeńil qaraýǵa bolmaityn shyǵar. Sebebi bul baǵytta memlekettiń múmkinshiligin de qaraý kerek. Qazirgi kezde tiisti talap-tilekter aitylyp jatyr, onyń barlyǵyn bilemiz. Óńirlerge barǵan kezde de bul usynystar aityldy. Osy máselege qatysty usynystardy pysyqtaý kerek. Ol boiynsha Úkimet, tiisti quzyretti organ jumys istep jatyr. Bul rette qandai nátije bolatynyn aldaǵy ýaqytta kóremiz», - dedi Májilis tóraǵasy.
