Parlament Májilisiniń jalpy otyrysynda «Tehnikalyq retteý týraly» zań jobasy ekinshi oqylymda maquldandy, dep habarlaidy QazAqparat.
Zań jobasy QR Prezidenti Qasym-Jomart Toqaevtyń 2020 jylǵy 24 qańtarda Úkimettiń keńeitilgen otyrysynda aitylǵan tehnikalyq retteý týraly zańdy jańa redaktsiiada daiyndaý qajettigi týraly tapsyrmasyn iske asyrý maqsatynda ázirlendi.
Osy zań jobasy 2020 jylǵy 11 qarashada birinshi oqylymda maquldandy.
Budan basqa, depýtattar Qazaqstan Respýblikasynyń qoldanystaǵy zańnamasyna jáne zań tehnikasynyń talaptaryna sáikes keltirý jónindegi, sondai-aq zań jobasynyń jekelegen normalaryn naqtylaityn ári mazmunyn jaqsartatyn túzetýler engizdi.
Qujattaǵy erejelerdi zańnamalyq turǵydan bekitý - aitarlyqtai oń nátijelerge ákeletinin jáne Úkimettiń arsenalynda bar tehnikalyq retteý ári tutynýshylardyń quqyqtaryn qorǵaý quraldaryn tolyq paidalanýǵa negiz qalaidy. Sondai-aq, usynylyp otyrǵan jańa zańnamalyq baza memleket úshin baqylaý-qadaǵalaý qyzmetiniń aiqyndyǵyn arttyrýǵa, qaýipti ónimniń naryqqa shyǵýyna jol bermeýge, sybailas jemqorlyq qaýpin tómendetýge, biznes úshin adal kásipkerlikke jaǵdai jasaýǵa, tutynýshy úshin neǵurlym sapaly ónimdi tańdaýǵa múmkindik beredi.
Jumys tobyna Májilistiń turaqty komitetteri men depýtattarynan 253 usynys kelip tústi, olar jumys tobynyń on bes otyrysynda, Komitettiń keńeitilgen otyrystarynda múddeli ministrlikter, vedomstvolar ókilderiniń, biznes qoǵamdastyq ókilderi men sarapshylardyń qatysýymen talqylandy.
Sonymen qatar jalpy otyrysta «Qazaqstan Respýblikasynyń keibir zańnamalyq aktilerine tehnikalyq retteý máseleleri boiynsha ózgerister men tolyqtyrýlar engizý týraly» ilespe zań jobasy da ekinshi oqylymda maquldandy.
