Sýret ashyq derekkózden alyndy
Májilis sailaýyna eki túrli biýlleten ázirlenedi. Ortalyq sailaý komissiiasynyń boljamdy esepteýleri boiynsha biýlletenderdi daiyndaýǵa 532,2 million teńge jumsalady. Bul týraly OSK múshesi Sabila Mustafina málimdedi, dep habarlaidy Sputnik Qazaqstan.
Onyń aitýynsha, Májilis pen Máslihat depýtattarynyń sailaýyna 5 túrli biýlleten daiyndalady. Onyń ekeýi Májilis sailaýynda daýys berý úshin ázirlenedi. Keibir óńirlerde tórt, endi birinde bes biýlleten beriledi.
"Iaǵni eger siz Astana turǵyny bolsańyz, sailaý kúni tórt biýlleten alasyz. Ekeýi májilis, ekeýi qalalyq máslihat depýtattaryn sailaýǵa. Árbir óńirde sailaýshylar sany ártúrli. Ár óńir máslihat sailaýyna biýlletenderdi ózderi ázirleidi. Biz Májilis sailaýyna eki túrli biýlleten daiyndaimyz", - dedi Mustafina Ortalyq sailaý komissiiasynda ótken brifingte.
Ol elimizde 2023 jylǵy 1 qańtardaǵy jaǵdai boiynsha elimizde 11 millionnan astam sailaýshy bar ekenin atap ótti. Zań boiynsha biýlleten sany barlyq sailaýshy sanyna +1 protsent artyq daiyndalady.
"Bir biýlletendi ázirleý ortasha eseppen elimizde 22 teńge turady. Keibir óńirlerde qymbat, keibirinde arzan. Biz biýdjettik ótinimdi josparlaǵanda osy baǵany aldyq. Nátijesinde Májilis sailaýyna 24 192 340 dana biýlleten kerek. Nege? Eldegi sailaýshylar sany ekige kóbeitiledi, óitkeni eki biýlleten daiyndalady. Oǵan zań boiynsha artyq daiyndalatyn bir protsent qosylady. Sol sebepti biýlleten ázirleýge jumsalatyn jalpy soma 532,2 million teńge. Bul - bizdiń josparly esepteýimiz", - dep túsindirdi Mustafina.
OSK músheleri aldaǵy sailaýǵa daiyndalatyn barlyq biýlletende "bárine qarsymyn" tarmaǵy bolatynyn atap ótti.
Eske salsaq, Májilis jáne Máslihat depýtattarynyń sailaýy 19 naýryzda ótedi. Kandidattardy usyný búgin, 20 qańtarda bastaldy. Qazaqstandyqtar saiasi partiialardan kandidat bola alady nemese ózin-ózi usyna alady.
