Parlament Májilisi «Qazaqstan Respýblikasy Táýelsizdiginiń otyz jyldyǵyna bailanysty raqymshylyq jasaý týraly» zań jobasyn talqylaýdy bastaidy.
Bul týraly búgin Parlament Májilisiniń jalpy otyrysynda málim boldy, dep habarlaidy QazAqparat.
«Bul zań jobasy Memleket basshysynyń 2020 jylǵy 29 qazandaǵy tapsyrmasyn oryndaý maqsatynda ázirlendi. Zań jobasy Qazaqstan Respýblikasy Táýelsizdiginiń otyz jyldyǵyna orai izgilik qaǵidaty negizinde qalmystyq atqarý júiesi mekemelerinde ustalatyn jáne probatsiia qyzmetiniń esebinde turǵan adamdardy jazadan ári qylmystyq jaýaptylyqtan bosatýǵa, jazanyń ótelmegen bóligin qysqartýǵa baǵyttalǵan», - dedi Májilistiń Zańnama jáne sot-quqyqtyq reforma komitetiniń tóraǵasy Arman Qojahmetov.
Onyń aitýynsha, qoǵam jáne memlekettiń qaýipsizdigine eleýli qater tóndirmeitin qylmystar jasaǵany úshin sottalǵan adamdardy, onyń ishinde áleýmettik osal sanatyndaǵy el azamattaryn jazadan bosatýǵa múmkindik beredi.
Eske sala keteiik, QR Ishki ister ministrligi «Raqymshylyq jasaý týraly» Qazaqstan Respýblikasynyń zań jobasyn qoǵam talqylaýyna usyndy.
Byltyrǵy 29 qazanda Ishki ister ministrliginiń keńeitilgen alqa májilisine qatysqan Prezident Qasym-Jomart Toqaev Qazaqstan Táýelsizdiginiń 30 jyldyǵyna orai, azamattarǵa jáne jalpy memleketke qaýip keltirmeitin qylmys jasaǵan adamdarǵa amnistiia jasalatynyn jetkizdi.
