Sýret ashyq derekkózden alyndy
2023-2025 jyldarǵa arnalǵan respýblikalyq biýdjet jobasyn qarastyrý barysynda Májilis pen barlyq deńgeidegi máslihattar depýtattary sailaýyn ótkizýge 33,4 mlrd teńge qarastyrylǵan. Bul jaiynda Qarjy ministrliginiń baspasóz qyzmetinen málim etti, dep habarlaidy QazAqparat.
«Sailaýlardy ótkizýge bólingen qarajat týraly buǵan deiingi aqparatqa qosymsha mynany habarlaimyz. Respýblika Konstitýtsiiasyna enizilgen ózgeristerge sáikes, Memleket basshysy 2022 jylǵy 1 qyrkúigektegi Joldaýynda 2023 jyldyń birinshi jartyjyldyǵynda Májilis pen barlyq deńgeidegi máslihattardyń kezekten tys sailaýyn ótkizýdi tapsyrdy», - dep atap ótedi ministrlikten.
Vedomstvonyń naqtylai túsýinshe, 2023-2025 jyldarǵa arnalǵan respýblikalyq biýdjet jobasyn qarastyrý barysynda Májilis pen barlyq deńgeidegi máslihattar depýtattary sailaýyn ótkizýge 33,4 mlrd teńge qarastyrylǵan. Bul qarajat 2023 jylǵa bólinip otyr.
«Atalǵan shyǵys sailaýdyń aralas jańa júiesin engizýdi eskere otyryp eseptelingen: partiialyq tizim boiynsha saiasi partiiadan, bir mandatty aýmaqtyq sailaý okrýginen», - dep túsindiredi Qarjy ministrliginen.
