Búgin Májilis Spikeri Nurlan Nyǵmatýlinniń tóraǵalyǵymen Palata Biýrosy ótip, onda aldaǵy jalpy otyrystyń kún tártibi naqtylandy, dep habarlaidy "Ult aqparat" QR Parlamentiń Májilisiniń baspasóz qyzmetine silteme jasap.
Depýtattar qaraýyna birinshi oqylymda mikroqarjylyq jáne kollektorlyq qyzmetti retteý máselelerine qatysty zań jobasy usynyldy.
Sonymen qatar ratifikatsiialanatyn zań jobalary da qarastyrylǵan. Olar: Qazaqstan Úkimeti men Bilim, ǵylym jáne mádeniet máseleleri jónindegi Birikken Ulttar Uiymy (IýNESKO) arasyndaǵy IýNESKO aiasynda mádenietterdi jaqyndastyrý halyqaralyq ortalyǵyn qurý týraly, sondai-aq, Qazaqstan men Grýziia arasyndaǵy halyqaralyq avtomobil qatynasy týraly kelisimder bar.
Ekinshi oqylymda depýtattar tehnikalyq retteý jáne jol júrisine qarasty zań jobalaryn talqylamaq.
Aldaǵy jalpy otyrysta dene shynyqtyrý men sportqa qatysty zańnamalyq jańalyqtardy talqylaý josparlanýda.
Kún tártibiniń jobasynda memlekettik basqarý deńgeileri arasynda ókilettikterdi qaita bólý jáne otbasylyq jáne genderlik saiasat máselelerine qatysty zań jobalarymen jumysty jalǵastyrý usynyldy.
Sonymen qatar Májilis Eýraziialyq ekonomikalyq odaqqa múshe memleketterdiń temeki ónimderine aktsizder salasyndaǵy salyq saiasatyn júrgizý qaǵidattary týraly kelisimdi ratifikatsiialaý týraly zań jobasyn jumysqa alady.
