Májilis «Kvazimemlekettik sektordyń jekelegen sýbektileriniń satyp alýy týraly» zań jobasyn ekinshi oqylymda maquldady, dep habarlaidy "Ult aqparat".
Qujatty Májilistiń ekonomikalyq reforma jáne óńirlik damý komitetiniń múshesi Abilfas Hamedov tanystyrdy.
Depýtat atalmysh qujat Prezident Qasym-Jomart Toqaevtyń 2020 jylǵy 1 qyrkúiektegi Qazaqstan halqyna Joldaýyn iske asyrý jónindegi Jalpyulttyq is-sharalar jospary aiasynda ázirlengenin atap ótti.
«Zań jobasy 2021 jyldyń 17 naýryzynda birinshi oqylymda maquldanǵan bolatyn. Ekinshi oqylymǵa daiyndaý kezinde alǵashqy oqylymda depýtattar qosqan túzetýler eskerildi. Zań jobasynyń kúshi júrmeitin oqiǵalardyń túbegeili tizimi jasaldy. Kvazimemlekettik sektor nysandaryndaǵy memlekettik satyp alýlarǵa shaǵym túsirgen ótinish berýshilerge jaýap berýdiń naqty merzimi qaita qaraldy. Tapsyrys berýshiniń áleýetti jetkizýshiden konkýrs qujatyn ótkizip, ashqannan keiin qosymsha qujattar talap etýine tyiym salý, «satyp aýlardy uiymdastyrýshy» deitin uǵym engizý, satyp alýlardyń senimsiz qatysýshylarynyń tizimin qalyptastyrý, ýákiletti organdy kvazimemlekettik sektordyń jekelegen nysandaryndaǵy satyp alýlar kezinde eldegi barlyq zańnamanyń saqtalýyn qadaǵalaýshy retinde bekitý týraly usynystar qaita qaraldy», - dedi depýtat.
Abilfas Hamedov qujatta jetkizýshilerdiń múddesin qorǵaý úshin oryndalǵan kelisimsharttar boiynsha jetkizý aqysyn 30 jumys kúniniń ishinde tolyq tóleý kerek degen merzimdi bekitilgenin atap ótti.
«Sondai-aq, áleýetti jetkizýshilerdi erejelermen satyp alýǵa qatysýdn shekteýdiń jolyn kesildi. Munyń bári zań deńgeiinde aldyn ala oilastyryldy.
Bul zań jobasy boiynsha jumys toby 15 otyrys ótkizdi. Depýtattar engizgi 155 túzetýbarlyq múddeli organdar men uiymdardyń qatysýymen jan-jaqty talqylandy», - dedi komitet múshesi.
Zań jobasyn daýysqa salǵan depýttar qujatty ekinshi oqylymda tutastai maquldap, Senatqa jiberý týraly sheshim qabyldady.
