Parlament Májilisiniń jalpy otyrysynda «Qazaqstan Respýblikasynyń keibir zańnamalyq aktilerine ana men balany qorǵaý máseleleri boiynsha ózgerister men tolyqtyrýlar engizý týraly» zań jobasy maquldandy, dep habarlaidy "Ult aqparat".
«Zań jobasyna Parlament depýtattary bastamashylyq etti. Atalǵan qujat balalardyń quqyqtary men zańdy múddelerin qorǵaýdy qamtamasyz etý jáne kópbalaly otbasylarǵa qoldaý kórsetý maqsatynda ázirlendi. Ózderińizge málim, 2020 jylǵy 1 qańtardan bastap kámiletke tolmaǵan 4 jáne odan kóp balalary bar otbasylar úshin jańa járdemaqy engizildi. Ol otbasynyń kirisine qaramastan 42 496 teńgeden bastap 74 388 teńgege deiingi somada taǵaiyndalady. Kópbalaly otbasyndaǵy balalardyń járdemaqy alý quqyqtaryna nuqsan keltirýdi bolǵyzbaý maqsatynda zań jobasynda 8 jáne odan kóp balalarǵa arnalǵan járdemaqynyń mólsherin tórt ailyq eseptik kórsetkishten, árbir keiingi balaǵa 10 myń teńgeden astam belgileý usynylyp otyr», - dedi zań jobasy boiynsha baiandama jasaǵan Májilis depýtaty Aigúl Nurkina.
Osylaisha, segiz balasy bar otbasylarǵa beriletin járdemaqy mólsheri 84 832 teńgeni, toǵyz balaǵa – 95 436 teńgeni, on balaǵa – 106 myń teńgeni, sondai-aq odan keiingi ár balaǵa tórt ailyq eseptik kórsetkishti quraidy.
Búginde Eńbek jáne halyqty áleýmettik qorǵaý ministrliginiń aqparatyna qaraǵanda, elimizde 8-15 balasy bar 2 451 otbasy tirkelgen.
Budan buryn habarlanǵandai, biyl qańtar aiynyń sońynda Eńbek jáne halyqty áleýmettik qorǵaý ministri Birjan Nurymbetov bala sany jetiden asatyn otbasylarǵa járdemaqy somasy artatynyn aitqan edi.
