Búgin Parlament Májilisiniń Qarjy jáne biýdjet komitetiniń otyrysy ótip, onda Qazaqstan Respýblikasy Qarjy ministri laýazymyna taǵaiyndaý jónindegi kandidatýra kelisildi, dep habarlaidy Májilistiń baspasóz qyzmeti.
«Komitet otyrysynyń qorytyndysy boiynsha «Qazaqstan Respýblikasy Parlamenti Májilisiniń Qarjy jáne biýdjet komiteti «Qazaqstan Respýblikasynyń Parlamenti jáne onyń depýtattarynyń mártebesi týraly» Qazaqstan Respýblikasy Konstitýtsiialyq zańynyń 22-1-babyna sáikes Qazaqstan Respýblikasynyń Premer-Ministri usynǵan Álihan Ashanuly Smaiylovtyń kandidatýrasyn qarap, atalǵan kandidatýrany Qazaqstan Respýblikasynyń Qarjy ministri laýazymyna taǵaiyndaý úshin usynýǵa bolady dep esepteidi»,-delingen habarlamada.
Buǵan deiin Álihan Smaiylov Qazaqstan Respýblikasy Prezidentiniń kómekshisi laýazymyn atqarǵan.
Álihan Ashanuly Smailov 1972 jyly týǵan. 1994 jyly ál-Farabi atyndaǵy Qazaq memlekettik ulttyq ýniversitetin qoldanbaly matematika mamandyǵy boiynsha bitirgen.
1996 jyly Qazaqstan Respýblikasy Prezidenti janyndaǵy Qazaq menedjment, ekonomika jáne boljaý institýtyn tamamdap, memlekettik basqarý magistri dárejesin alǵan.
1993-1995 jyldary - «A-Invest» investitsiialyq-jekeshelendirý qorynyń bas mamany.
1996-1998 jyldary - Qazaqstan Respýblikasy Ulttyq statistika agenttiginiń basqarma bastyǵynyń orynbasary, basqarma bastyǵy.
1998 jylǵy naýryz ben sáýir aralyǵynda - Qazaqstan Respýblikasy Statistikalyq josparlaý jáne reformalar agenttiginiń Statistika jáne taldaý komiteti tóraǵasynyń orynbasary.
1998-1999 jyldary - Qazaqstan Respýblikasy Prezidenti Ákimshiliginde bas sarapshy, sektor meńgerýshisi, memlekettik inspektor.
1999-2003 jyldary - Qazaqstan Respýblikasy Statistitka agenttiginiń tóraǵasy.
2003 jylǵy aqpan men shilde aralyǵynda - Qazaqstan Respýblikasy Syrtqy ister vitse-ministri.
2003-2006 jyldary - «Eksporttyq kreditter men investitsiialardy saqtandyrý jónindegi memlekettik saqtandyrý kompaniiasy» AQ basqarmasynyń tóraǵasy.
2006-2007 jyldary - Qazaqstan Respýblikasy Qarjy vitse-ministri.
2007-2008 jyldary - «QazAgro» Ulttyq holdingi» AQ prezidenti.
2008-2009 jyldary - Qazaqstan Respýblikasy Qarjy vitse-ministri.
2009-2014 jyldary - Qazaqstan Respýblikasy Statistika agenttiginiń tóraǵasy.
2014-2015 jyldary - Qazaqstan Respýblikasy Ulttyq ekonomika ministrliginiń Statistika komitetiniń tóraǵasy.
2015 jylǵy jeltoqsanda Memleket basshysynyń Jarlyǵymen Qazaqstan Respýblikasy Prezidentiniń kómekshisi bolyp taǵaiyndaldy.
«Qurmet» ordenimen, «Eren eńbegi úshin», «Qazaqstan táýelsizdigine 10 jyl», «Qazaqstan Konstitýtsiiasyna 10 jyl», «Astanaǵa 10 jyl» medaldarymen marapattalǵan. «1 rangty keńesshi» diplomatiialyq rangy bar.
