Parlament Májilisiniń jalpy otyrysynda «Erekshe taýarlardy baqylaý týraly» zań jobasy birinshi oqylymda maquldandy, dep habarlaidy QazAqparat.
Zań jobasy eksportty, importty, keri eksportty, tranzitti baqylaýdyń, sondai-aq qosarlanǵan jáne áskeri maqsattaǵy taýarlar salasynda qyzmetter kórsetýdiń ulttyq júiesin jetildirýge baǵyttalǵan. Qujattyń maqsaty - ulttyq qaýipsizdikti qamtamasyz etý jáne jappai qyryp-joiý qarýyn taratpaý jáne qarý-jaraqtyń zańsyz saýdasyna jol bermeý jónindegi halyqaralyq mindettemelerdi saqtaý.
«Zań jobasynda usynylǵan jańalyqtar qoldanystaǵy júieniń barlyq sáikessizdikterin, sondai-aq shet elderdiń ozyq tájiribesin eskeredi. Osylaisha, zań jobasynda memlekettik organdardyń aqparattyq ózara is-qimylyn júzege asyrý, ruqsat berý qujattaryn berýden bas tartý qosymsha negizderdi engizý bóliginde táýekelderdi baǵalaý boiynsha jańa tásilder qarastyrylǵan. Budan basqa, ruqsat berý qujattarynyń qoldanylýyn ýaqytsha toqtata turý, toqtatý jáne jańa aqparat kelip túsken jaǵdaida táýekelderdi qaita baǵalaýdy júrgizý boiynsha ýákiletti organnyń (IIDM) quzyreti belgilenedi», - dedi QR Indýstriia jáne infraqurylymdyq damý ministri Beibit Atamqulov.
Onyń aitýynsha, málimdelgen (beibit) maqsattarda importtalǵan erekshe taýarlardyń paidalanylýyna tiisti baqylaýdy qamtamasyz etý maqsatynda profilaktikalyq baqylaý engiziledi, ol Kásipkerlik kodekstiń jalpy tártibine sáikes júzege asyrylatyn bolady. Profilaktikalyq baqylaý ýákiletti organnyń ruqsatynsyz Qazaqstan Respýblikasynyń aýmaǵynda erekshe taýarlardy berý faktilerin anyqtaýǵa múmkindik beredi.
«Erekshe taýarlardyń Qazaqstan Respýblikasynyń Memlekettik shekarasy arqyly Eýraziialyq ekonomikalyq odaqqa múshe memlekettermen baqylaýsyz ótkizilýin boldyrmaý úshin memlekettik kiris organdarynyń baqylaý júrgizý tártibin aiqyndaý josparlanyp otyr. Qazaqstan Respýblikasy rezidentteriniń qosarlanǵan jáne áskeri maqsattaǵy taýarlarmen zańsyz kelisimderge qatysýyna jol bermeý úshin aýmaqtan tys deldaldyq qyzmetter men tehnikalyq kómekke ruqsat berýge baqylaýy engiziledi», - dedi ministr.
Otandyq óndirýshilerge qoldaý kórsetý úshin, atomdyq jáne iadrolyq baqylaýǵa jatatyn materialdardy qospaǵanda, qosarlanǵan maqsattaǵy taýarlardyń eksporty úshin «jalpy litsenziia» engiziledi. «Jalpy litsenziia» otandyq óndirýshilerge óz ónimderin birneshe elge jáne birneshe kontragentke bir litsenziia boiynsha eksporttaýǵa múmkindik beredi. Bul syrtqy naryqtarda qosarlanǵan maqsattaǵy ónimdi ótkizýdi jeńildetýge jaǵdai týǵyzady.
«Usynylyp otyrǵan jańalyqtar eksporttyq baqylaýdyń halyqaralyq rejimderine kirý boiynsha Qazaqstannyń kandidatýrasyn ilgeriletýge oń yqpal etedi jáne ónerkásip sektoryna investitsiialar men qazirgi zamanǵy tehnologiialardy tartý úshin jaǵdai jasaidy», - dedi B. Atamqulov.
