Májilis depýttary Eýraziialyq ekonomikalyq odaqtyń tehnikalyq reglamentterinde talaptar belgilenbegen ónimniń ishki ainalysynyń tártibi men mundai ónimderiniń qaýipsizdigin qamtamasyz etý qaǵidalaryn belgileitin kelisimdi ratifikatsiialaý týraly zań jobasyn maquldady, dep habarlaidy "Ult aqparat".
Zań jobasyn Májilis ókilderine Saýda jáne integratsiia ministri Baqyt Sultanov tanystyrdy.
«Qujattyń negizgi baǵyttary odaq aýmaǵynda ainalystaǵy barlyq ónimderdiń qaýipsizdigin qamtamasyz etý. Birinshiden, bul odaq deńgeiinde ónimge qatysty mindetti talaptar belgilenetin ónimniń biryńǵai tizbesine engizilmegen ónimder. Ekinshiden, odaqtyń biryńǵai tehnikalyq reglamentteri qabyldanbaǵan nemese kúshine enbegen ónimder. Ónimniń biryńǵai tizbesi tutyný jáne paidalaný kezinde qaýiptiligi joǵary táýekeldermen sipattalatyn ónim túrlerin qamtidy», - dedi ministr.
Ministr búgingi tańda ainalysqa shyǵarylatyn ónimniń 85%-y Eýraziialyq ekonomikalyq odaqtyń biryńǵai tehnikalyq reglamentimen retteletini aitady. Qalǵan 15%-dy búgin usynylyp otyrǵan zań retteitin bolady.
«Biz taýarlar nomenklatýrasyna taldaý jasadyq. Negizinen bul áleýetti qaýip tóndirmeitin ónimder. Mysaly aita ketsek, zerger buiymdary, saǵat, turmystyq shetka, jasandy zerger buiymdary jáne t.b.», - dedi Baqyt Sultanov.
Vedomstvo basshysy qabyldanǵaly otyrǵan kelisim biznes úshin ákimshilik kedergiler týdyrmaitynyn atap ótti.
«Ónim týraly málimetterdi aqparattyq bazada jinaqtaý kózdeledi. Olar tutynýshylar úshin qoljetimdi jáne naryqtaǵy jaǵdaidy zertteý maqsatynda paidalanýǵa ashyq bolady.
Bul jańa ónim túrleriniń paida bolýyna jedel den qoiýǵa jáne turaqty monitoring júrgizýge múmkindik beredi» - dedi ministr.
Miinistrdiń sózine qaraǵanda, Resei, Belarýs jáne Qyrǵyzstan búginge deiin atalmysh kelisimdi ratifikatsiialaý boiynsha memleketishilik rásimderdi aiaqtap qoiǵan.
Májilis depýtattary zań jobasyn biraýyzdan maquldap, daýys berdi.
