Búgin Parlament Májilisiniń jalpy otyrysynda depýtat Berik Ábdiǵaliulynyń ókilettigin merziminen buryn toqtatý týraly sheshim qabyldandy, dep habarlaidy QazAqparat.
«QR Prezidentiniń 2022 jylǵy 11 maýsymdaǵy Jarlyǵymen Parlament Májilisiniń depýtaty Berik Ábdiǵaliuly Ulytaý oblysynyń ákimi laýazymyna taǵaiyndaldy. Osyǵan orai Ortalyq sailaý komissiiasy sizderdiń nazarlaryńyzǵa Konstitýtsiianyń 52-babyna, «Parlament jáne onyń depýtattarynyń mártebesi týraly» Zańnyń 24-baby 3 jáne 8-tarmaqtaryna sáikes, Májilis depýtaty Berik Ábdiǵaliulynyń ókilettiligin merziminen buryn toqtatý týraly máseleni sheshý úshin usynym engizip otyr», - dedi Ortalyq sailaý komissiiasynyń múshesi Shavhat Ótemisov.
Palata depýtattary bul usynymǵa qoldaý bildirdi.
