Májilis depýtaty Bekbolat Tileýhan koronavirýs juqtyrdy, dep habarlaidy «Ult aqparat» halyq qalaýlysynyń Instagram paraqshasyna silteme jasap.
«Sońǵy kúnderi kóp azamattar densaýlyǵyma alańdaýshylyq bildirip, habarlasyp jatyr. Álemdik pandemiia salqyny maǵan da tidi. Koronavirýsqa tapsyrǵan test oń nátije kórsetti. Aldymen úi jaǵdaiynda em qabyldap bastaǵan edim. Qazir aýrýhanada dárigerlerdiń tolyq baqylaýyndamyn. Tiisti em sharalaryn qabyldap jatyrmyn. Dárigerler ataǵan COVID simptomdaryn bastan ótkerýdemin» dep jazady Bekbolat Tileýhan.
Onyń aitýynsha, qazir virýstyń taralý yqtimaldyǵy artty.
«Sondyqtan, azamattardy saqtyq sharalaryn qatań saqtaýǵa shaqyramyn. Tótenshe jaǵdai rejimi aiaqtalǵanymen, karantin áli bitpedi» dep eskertedi depýtat.
