Foto: ara24.kz
Májilis depýtaty Magerram Magerramov alkogol elimizdegi qylmystardyń negizgi sebepteriniń biri ekenin málimdedi. Ol Ishki ister ministrliginiń derekterine súiene otyryp, aýyr qylmystardyń edáýir bóligi alkogoldik masań kúide jasalatynyn aitty, dep habarlaidy Ult.kz.
Depýtattyń aitýynsha, elimizde árbir ekinshi kisi óltirý men árbir úshinshi zorlaý jáne buzaqylyq mas kúide jasalady. Sondai-aq tonaý, jol-kólik oqiǵalary men otbasylyq-turmystyq zorlyq-zombylyqtyń kóp bóligi alkogolmen bailanysty.
Osyǵan bailanysty Magerramov alkogol ónimderin satý men baqylaýdy qatańdatýdy usyndy. Atap aitqanda, bilim berý jáne balalar mekemelerinen 100 metr radiýsta alkogol satýǵa tyiym salý normasyn qaita engizý, saýda núkteleriniń sanyn shekteý jáne alkogol ónimderin mindetti tsifrlyq tańbalaýdy engizý qajet ekenin aitty.
Sonymen qatar ol dúkenderde alkogoldi saǵat 20:00-den keiin, al kafe men meiramhanalarda 22:00-den keiin satýǵa tyiym salýdy jáne alkogoldi onlain satýǵa tolyqtai shekteý qoiýdy usyndy.
