Túrkistan oblysyna Májilis depýtattary arnaiy is-saparmen keldi. «Nur Otan» fraktsiiasynyń músheleri Erjan Qudaibergenov pen Darhan Myńbai, Elnur Beisenbaevtar sailaýshylarmen kezdesýler ótkizip, partiianyń sailaýaldy baǵdarlamasyn iske asyrýǵa arnalǵan jol kartasynyń oryndalýyn qadaǵalady, dep habarlaidy "Ult aqparat".
Parlament depýtattary óńirdiń áleýmettik-ekonomikalyq damý barysyn baǵamdady.
Oblys ákiminiń birinshi orynbasary Arman Jetpisbaidyń qabyldaýynda bolǵan depýtattar Túrkistan oblysyn damytý baǵytyndaǵy atqarylyp jatqan jumystar men «Nur Otan» partiiasynyń «Ózgerister joly: Ár azamatqa laiyqty ómir!» sailaýaldy baǵdarlamasyn oryndaý jónindegi Jol kartasynyń Túrkistan oblysy boiynsha júzege asyrylý barysyn talqylady.
Óńirdegi birqatar ózekti máselelerdi kóterip, oblys basshylyǵymen olardyń sheshý joldaryn ortaǵa saldy. Qazirgi tańda Túrkistan oblysynyń árbir aýdan, qalasy jáne oblystyq deńgei boiynsha 17 Jol kartasy ázirlenip, júzege asyrylyp jatyr. Sonymen qatar, Májilis depýtattary Túrkistan oblysynyń damýyna joǵary baǵa berip, basty zań shyǵarýshy organdaǵy atqarylyp jatqan jumystar men jańa zań jobalaryna toqtalyp ótti.
