Májilis depýtattary 17-19 qyrkúiek aralyǵynda ótetin Resei Federatsiiasy Federaldyq Jinalysynyń VIII shaqyrylymy depýtattarynyń sailaýyna baiqaýshy retinde qatysady, dep habarlady "Ult aqparat" Májilistiń baspasóz qyzmetine silteme jasap.
Delegatsiiany Májilistiń Zańnama jáne sot-quqyqtyq reforma komitetiniń tóraǵasy, sondai-aq, Ujymdyq qaýipsizdik týraly shart uiymy Parlamenttik Assambleiasy jelisi boiynsha halyqaralyq baqylaýshylar tobynyń úilestirýshisi Arman Qojahmetov basqarady. Qazaqstandyq delegatsiianyń quramynda TMD PAA tarapynan Berik Bekjanov, Memlekettik Dýmanyń shaqyrtýy boiynsha Mádi Ahmetov jáne Vera Kim táýelsiz baiqaýshy retinde qatysady.
Májilis depýtattarynyń Máskeý men Máskeý oblysyndaǵy sailaý ýchaskelerine baryp, daýys berý barysyn baqylaýy josparlanǵan. Sonymen qatar, Májilis depýtattary Memlekettik Dýmadaǵy jáne Ortalyq sailaý komissiiasyndaǵy saiasi partiia fraktsiialarynyń jetekshilerimen kezdesý ótkizýdi kózdep otyr.
Qazaqstandyq Parlament ókilderi Ujymdyq qaýipsizdik týraly shart uiymy Parlamenttik Assambleiasynyń halyqaralyq baiqaýshylar tobynyń qorytyndy keńesine jáne Qorytyndy qujattardy daiyndaý úshin TMD baiqaýshylar missiialaryn úilestirýshiler keńesine qatysýy josparlanǵan.
