Májilis depýtattary Balaiym Kesebaeva men Abzal Eraliev Qyzylorda oblysy Shieli aýdanynyń turǵyndarymen kezdesti, dep habarlaidy "Ult aqparat" tómengi palatanyń baspasóz qyzmetine silteme jasap.
Sapar barysynda májilismender halyqty jumyspen qamtý, memlekettik baǵdarlamalardy iske asyrý jáne koronavirýstyq infektsiianyń taralýymen kúres máselelerine nazar aýdardy. Aýdan turǵyndarymen áńgimelesken depýtattar koronavirýs indeti oryn alǵan qiyn kezeńde shaǵyn jáne orta kásipkerlikti qoldaý, azamattardy áleýmettik qorǵaý jáne jumyspen qamtý máseleleri el basshylyǵy men depýtattardyń erekshe baqylaýda ekenin atap ótti.
Depýtattar Shieli aýdanynda temir jol arqyly ótetin joldyń qurylys alańynda boldy, búginde onda 160-tan astam adam jumys isteýde. Jergilikti turǵyndardyń aitýynsha, jańadan qurylysy júrgizilip jatqan kópir jol poiyzdar qozǵalysy kezinde ótkeldegi keptelis máselesin sheshedi. Merdigerler nysandy 10 jeltoqsanǵa deiin paidalanýǵa berýdi josparlap otyr.
Sonymen qatar, Shieli aýdanynyń Kókshoqy yqshamaýdanyna barǵan depýtattar aýla aýmaqtaryn abattandyrýmen ainalysatyn «Shieli jolshy» JShS-nyń jumysshylarymen kezdesti. Búgingi tańda kásiporynda 20 adam jumys isteýde. Olardyń 10-y jumyspen qamtý ortalyǵy arqyly jumysqa ornalastyrylǵan.
Jalpy oblysta «Jumyspen qamtýdyń jol kartasy» baǵdarlamasy boiynsha 21 joba júzege asyrylyp, onyń aiasynda 700-den astam adamdy jumyspen qamtý josparlanǵan. Sondai-aq, depýtattar B.Kesebaeva men A.Eraliev aýdanaralyq aýrýhana men provizorlyq ortalyqqa baryp, koronavirýspen kúresý sharalarymen tanysty.
Dárigerlerdiń aitýynsha, qazir aýdandaǵy epidemiologiialyq jaǵdai turaqtalǵan. Alǵashqy kúnderi aýrýhanaǵa 100-den astam naýqas túsken. Búginde juqpaly aýrýlar aýrýhanasynda 39, al provizorlyq ortalyqta 35 naýqas em qabyldaýda. Osy rette, dárigerler 80 myń halqy bar aýdanda koronavirýstyq pnevmoniia diagnozynda negizgi bolyp sanalatyn ókpeniń birde-bir tomografiialyq apparaty joq ekenin atap ótti. Sonymen qatar, dárigerler aýdanda qaýipti infektsiiany anyqtaityn jeke zerthananyń joqtyǵyn, sondai-aq, aýdandaǵy juqpaly aýrýlar aýrýhanasynyń jańa ǵimaratynyń salynýyna depýtattardyń yqpal etýin surady. Aýyl dárigerleriniń tilekteri men usynystaryn tyńdaǵan Májilis depýtattary Úkimetke tiisti saýaldar jiberip, olardy tezirek sheshý úshin sharalar qabyldaityndyqtaryn aitty. Odan ári depýtattardyń oblystaǵy basqa da eldi mekenderge barýy josparlanǵan. Ol eń aldymen, meditsina jáne densaýlyq saqtaý salasyndaǵy áleýmettik máselelerdi anyqtaýǵa jáne jedel sheshýge baǵyttalǵan.
