QR Parlamenti Májilisiniń depýtattary Azat Perýashev pen Erlan Barlybaev Almatydaǵy «Suńqar» klinikalyq ortalyǵynyń jumysymen tanysty, dep habarlaidy "Ult aqparat".
Halyq qalaýlylary karantin jaǵdaiynda jumys istep jatqan jeke klinikanyń jumysymen tanysyp, dárigerlerdiń usynystaryn tyńdady.
Depýtat Azat Perýashevtiń aitýynsha, búginde kóptegen jeke klinikalar memlekettik organdardyń nazarynan tys qalǵan. «SQ-Farmatsiia» men «Áleýmettik meditsinalyq saqtandyrý qory» bilikti dárigerler men meiirbikeleri bar jeke meditsinalyq mekemelerge qoldaý kórsetpegen.
Sonymen qatar, ol koronavirýspen kúres kezinde memlekettik klinikalarda meditsinalyq kadrlar jetispei jatqanda jeke klinikalar tartylmaǵanyn tilge tiek etti.
«Meniń oiymsha, bul máseleni Úkimet pen Densaýlyq saqtaý ministrligi sheshýi kerek. Jeke klinikalarǵa qoldaý kórsetý qajet. Qaita jabdyqtap, dári-dármektermen qamtamasyz etilýi tiis. Koronavirýsqa qarsy kúreske jeke klinikalardy jumyldyrýmyz kerek. Ásirese , qazir kelesi tolqyndy kútip otyrǵanymyzda, kómek qajet bolady»,– deidi ol
Azat Perýashev «Suńqar» onkologiialyq ortalyǵynda kúrdeli jóndeý jumystary júrgizilgenin atap ótti.
Óz kezeginde «Suńqar» onkologiialyq ortalyǵynyń bas dárigeri Baqtiiar Kerimqulov depýtattarǵa ortalyq barlyq sanitarlyq talapqa sai qyzmet atqaryp jatqanyn aitty.
«Bizdiń ortalyq tórt bólikke bólinedi. 1 qabat ambýlatorlyq poliklinika, onda syrttan kelgen naýqastardy qabyldaimyz. 2 qabatta reanimatsiialyq jáne operatsiia bólimi jasaqtalǵan. 3 qabatta stattsionarlyq 10 jáne ambýlatorlyq 10 tósek orny bar, munda syrqaty orta dárejesindegi naýqastar jatady. 4 qabatta jeńil jáne ortasha aýyr deńgeiindegi naýqastarǵa arnalǵan, ol jerde 10 tósek oryny bar», - deidi bas dáriger.
