Búgin Parlament Májilisiniń jalpy otyrysynda palata depýtattary «Qazaqstan Respýblikasynda beibit jinalystardy uiymdastyrý jáne ótkizý tártibi týraly» zań jobasyn jumysqa aldy. Endi Májilis komiteti atalǵan qujat boiynsha talqylaýdy júrgizedi, dep habarlaidy "Ult aqparat".
«Atalǵan zań jobasy Memleket basshysynyń 2019 jylǵy 2 qyrkúiektegi Joldaýyn oryndaý maqsatynda ázirlendi. Qujattyń negizgi maqsaty – azamattardyń beibit jáne qarýsyz jinalýǵa, jinalystar, mitingiler men demonstratsiialar, sherýler men piketter ótkizýge konstitýtsiialyq quqyqtaryn iske asyrý, sondai-aq eldi mekenderdegi arnaiy oryndardy anyqtaý», - dedi Májilistiń Zańnama jáne sot-quqyqtyq reforma komitetiniń tóraǵasy Nurlan Ábdirov.
Onyń paiymynsha, zań jobasy qabyldanǵan jaǵdaida ol qoǵamdyq-saiasi turaqtylyqqa oń áserin tigizedi.
«Komitet zań jobasyn jumysqa alýǵa jáne ol boiynsha 2020 jylǵy 27 qarashaǵa deiingi merzimde qorytyndy ázirleýge daiyn», - dedi depýtat.
