Búgin Parlament Májilisiniń jalpy otyrysynda depýtat Baqytgúl Hamenovanyń ókilettigi merziminen buryn toqtatyldy, dep habarlaidy "Ult aqparat".
«Sizge barlyq áriptesterimizdiń atynan Májiliste birlesip atqarǵan jumys úshin shyn júrekten alǵysymyzdy bildiremiz. Siz ózińizdiń bilimińiz jáne mol tájiribeńizdiń arqasynda aldaǵy ýaqytta da Atyraý oblysynyń damýyna da zor úles qosasyz dep senim bildiremiz. Sondai-aq jumysyńyz tabysty bolsyn», - dedi Májilis tóraǵasy Nurlan Nyǵmatýlin.
Jalpy otyrys barysynda Anar Nuralyqyzyna arnaiy «Alǵys hat» tapsyryldy.
Aita keteiik, Baqytgúl Hamenova jaqynda Atyraý oblysy ákiminiń orynbasary bolyp taǵaiyndaldy.
Ol H. Dosmuhamedov atyndaǵy Atyraý memlekettik ýniversitetin qazaq tili jáne ádebieti pánderiniń muǵalimi mamandyǵymen, ál-Farabi atyndaǵy Qazaq ulttyq ýniversitetiniń aspirantýrasyn bitirgen. Keiin Atyraý munai jáne gaz institýtyn, M. Ótemisov atyndaǵy Batys Qazaqstan memlekettik ýniversitetin támamdaǵan. Filologiia ǵylymdarynyń kandidaty.
2016 jylǵy 24 naýryzdan altynshy sailanǵan Qazaqstan Respýblikasy Parlamenti Májilisiniń depýtaty.
