Majarstannyń Syrtqy ister jáne syrtqy bailanystar ministrliginde Qazaqstan Elshisi Jánibek Ábdirashov Memlekettik hatshynyń orynbasary Andrash Baranimen kezdesti. Kezdesýde eki el arasyndaǵy vaktsinatsiialaý sertifikattaryn/pasporttaryn ózara taný týraly verbaldy notalarmen almasty. Bul týraly QR Majarstandaǵy Elshiligi habarlady.
Immýndaý sertifikattarynyń bolýy Covid-19 virýsynyń taralýyn boldyrmaýǵa baǵyttalǵan shekteý sharalarynsyz (PTR test jáne karantin) eki el azamattarynyń Qazaqstan Respýblikasyna jáne Majarstanǵa kirýine kepildik beredi.
Ózara moiyndaý shekaralardy ashý jáne Býdapesht pen Nur-sultan arasyndaǵy tikelei áýe qatynasyn jandandyrý boiynsha alǵashqy qadamdardyń biri bolyp tabylady.
Osylaisha, Majarstan Qazaqstandyq vaktsinatsiia sertifikattaryn/pasporttaryn moiyndaityn Eýropalyq Odaqtyń alǵashqy eli boldy.
