Prezident ákimshiligi basshysynyń burynǵy orynbasary Baǵlan Mailybaevtyń merziminen buryn shartty túrde bosatý týraly ótinishi qanaǵattandyrylmady, dep habarlaidy "Ult aqparat".
«Nur-Sultan qalalyq soty qylmystyq ister jónindegi sot alqasynyń 2019 jylǵy 4 qyrkúiektegi qaýlysymen sottalýshy Baǵlan Mailybaevtyń merziminen buryn shartty túrde bosatý týraly ótinishi qanaǵattandyrylmady», - dedi Nur-Sultan qalalyq sotynyń baspasóz hatshysy Botagóz Baianova.
Esterińizge sala ketsek, 2017 jylǵy 13 maýsymda Astana qalasy №2 Esil aýdandyq soty QR QK 361-babynyń 4-bóligi, 185-babynyń 3-bóliginde qarastyrylǵan qylmysty jasaǵanyn moiyndaý týraly kelisimmen sotqa kelip túsken Mailybaev Baǵlan Asaýbaiulyna jáne Galihin Nikolai Nikolaevichke qatysty qylmystyq isti qarady.
Sot úkimimen B.Mailybaev joǵaryda kórsetilgen baptar boiynsha kináli dep tanyldy jáne oǵan múlkin tárkileý, memlekettik organdarda laýazymdy qyzmet atqarý quqyǵynan ómir boiyna aiyrý jáne 5 jylǵa bas bostandyǵynan aiyrý jazasy taǵaiyndaldy.
