Orta salmaqta WBC, WBA (Super), IBF jáne IBO belbeýlerine ie qazaqstandyq boksshy Gennadii Golovkin Qaraǵandydaǵy sport kesheniniń ashylý saltanatyna qatysady, - dep habarlaidy Vesti.kz.
"Gennadii GGG Golovkin" tobynyń málimeti boiynsha, sportkeshen Maiqudyqta - sportshynyń týyp ósken yqshamaýdanynda ornalasqan. Úsh qabatty ǵimaratta uzyndyǵy 25 metr bassein, aýyr atletika zaly, kóreremender otyratyn orny bar ámbebap oiyn jáne boks zaly bar.
Sport keshenin Golovkinniń ózi resmi túrde 7 maýsymda ashady. Saltanatty sharaǵa Qaraǵandynyń sport mektepteri men balalar úiiniń tárbielenýshileri qatysady. Sport kesheninde balalar úshin daiyndyqtar tegin bolady.
Qaraǵandy oblysy ákimdiginiń bastamasymen sport keshenine Gennadii Golovkinniń aty beriledi.
