Amerikalyq sýǵa júzýshi Maikl Felps Rio-de-Janeirodaǵy Olimpiada oiyndarynda 22-shi altynyn alyp, ejelgi grek olimpshisi Leonid Rodosskiidiń 2000 jyl burynǵy jetistigin basyp ozdy, dep habarlaidy centralasian.org portaly RIA Novosti-ǵa silteme jasap.
Áigili amerikalyq Felps 200 metrlik komplekstik júzýden birinshi oryn aldy. Bul jeńis onyń Olimpiada oiyndaryndaǵy jeke saiystaryndaǵy 13-shi altyny edi.
Antiktik jelaiaq Leonid Rodosskii 12 márte jeńiske jetken. Ol bizdiń zamanymyzǵa deiingi 164 jyldan 152 jyl aralyǵynda tórt Olimpiadaǵa qatysqan. Osy ýaqytqa deiin Rodosskii tarihtaǵy eń ataqty olimpshi sanalyp keldi.
Maikl Felps — 22 olimp "altynyn" jeńip alǵan jalǵyz sportshy. Amerikalyq atlet Oiyndardan barlyǵy 26 medal alǵan.
31 jastaǵy sportshy Riodaǵy Olimpiadan soń sportpen qosh aitysady. Felps 2012 jyly Londondaǵy Oiyndardan soń sporttan ketkisi kelgen, biraq 2014 jyly sáýirde qaita oraldy.
Ult portaly
