امەريكالىق سۋعا جٷزۋشٸ مايكل فەلپس ريو-دە-جانەيروداعى وليمپيادا ويىندارىندا 22-شٸ التىنىن الىپ, ەجەلگٸ گرەك وليمپشٸسٸ لەونيد رودوسسكييدٸڭ 2000 جىل بۇرىنعى جەتٸستٸگٸن باسىپ وزدى, دەپ حابارلايدى centralasian.org پورتالى ريا نوۆوستي-عا سٸلتەمە جاساپ.
ەيگٸلٸ امەريكالىق فەلپس 200 مەترلٸك كومپلەكستٸك جٷزۋدەن بٸرٸنشٸ ورىن الدى. بۇل جەڭٸس ونىڭ وليمپيادا ويىندارىنداعى جەكە سايىستارىنداعى 13-شٸ التىنى ەدٸ.
انتيكتٸك جەلاياق لەونيد رودوسسكيي 12 مەرتە جەڭٸسكە جەتكەن. ول بٸزدٸڭ زامانىمىزعا دەيٸنگٸ 164 جىلدان 152 جىل ارالىعىندا تٶرت وليمپياداعا قاتىسقان. وسى ۋاقىتقا دەيٸن رودوسسكيي تاريحتاعى ەڭ اتاقتى وليمپشٸ سانالىپ كەلدٸ.
مايكل فەلپس — 22 وليمپ "التىنىن" جەڭٸپ العان جالعىز سپورتشى. امەريكالىق اتلەت ويىنداردان بارلىعى 26 مەدال العان.
31 جاستاعى سپورتشى ريوداعى وليمپيادان سوڭ سپورتپەن قوش ايتىسادى. فەلپس 2012 جىلى لوندونداعى ويىنداردان سوڭ سپورتتان كەتكٸسٸ كەلگەن, بٸراق 2014 جىلى سەۋٸردە قايتا ورالدى.
ۇلت پورتالى
