Foto: Ádilet ministrligi
QR Ádilet ministrliginiń resmi ókili Talǵat Ýáli Almaty qalasyndaǵy máithanalardyń birinde bolǵan nekrofiliia jaǵdaiyna túsinik berdi, dep habarlaidy «Ult aqparat» Kazinform-ǵa silteme jasap.
Ótken aptada Almatyda máiithana kúzetshisi qaitys bolǵan adammen jynystyq qatynas jasady degen kúdikke ilingen edi.
Qazirgi tańda Almaty qalasy PD Áýezov aýdanynyń politsiia basqarmasy QR QK 314-baby 2-bóligi boiynsha 1980 jyly týǵan azamatqa qatysty tergeý júrgizip jatyr.
«Alaida, bul azamat sot-saraptama ortalyǵymen jáne onyń aýmaqtyq bólimshelerimen eńbek qatynasynda turmaǵanyn atap ótken jón. Iaǵni, ol ádilet organdarynyń qyzmetkeri emes. Shartqa sáikes, máiithanany qorǵaýdy „Aiat Sekiýriti“ JShS júzege asyrdy, bul azamat atalǵan JShS atynan máiithananyń kúzetshisi bolyp jumys istegen», — dedi T. Ýáli ministrlik uiymdastyrǵan brifingte.
Sonymen birge, spiker kúzet kompaniiasynyń aldaǵy taǵdyry týraly aityp berdi.
«Bul kompaniiamen aldaǵy ýaqytta quzyrly organdar tiisti jumys júrgizedi, kúdiktiniń bul kompaniiaǵa qalai kelgeni, psihiatriialyq esepte turǵan-turmaǵany tekseriledi. Eger zań tarapynan buzýshylyqtar anyqtalsa, kompaniiamen jumys toqtatylady», — dep tolyqtyrdy ol.
